→ كل الوصفات
#حلويات_رمضان #حلويات_سريعة
المقادير
- لفة جلاش
- 1/2 كوب سمنة سايحة 🧈
- للشربات
- كوباية سكر
- كوباية الا ربع مياه
- 1/2 ليمونة 🍋
- كيس فانيليا
- رشة فستق للتزيين
طريقة التحضير
- هناخد ورقة جلاش وندهنها سمنة بالفرشاة ونلفها عادي كأننا بنلف رول بالطول
- بعدين ندهن سمنة تاني ونقوم لفينها ع نفسها تاني بالعرض وندهن وشها سمنة تالت😅
- وهكذا مع باقي ورق الجلاش لحد ما اللفة تخلص
- هنجيب صينية وندهنها سمنة ونرص فيها لفات الجلاش وندخلها الفرن بتاخد تقريباً من 15 ل 20 دقيقة وفي الوقت ده اجهز الشربات عشان يتضاف عليها وهو سخن
- وهي في الفرن بقى نعمل الشربات ع النار هنضيف السكر وعليه المية ولما السكر يدوب نضيف الليمون وشوية ونضيف الفانيليا اول ما قوامه يتقل نطفي عليه
- هنضيف الشربات السخن على الجلاش وهو لسة طالع من الفرن ونزينه بأي مكسرات أو يتقدم كده بالهنا 💛💛🧡
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد