→ كل الوصفات

جمبري المطاعم المقلي 😋❤️

#الشيف_الذهبي جمبري مقلي راس وذيل 😋 احلى جمبري ممكن تدوقوة وتاكلوة حرفيا بفضل الله والله احلى وأروع من المطاعم بفضل الله بشهادة كل اللي داقوة مني ❤️ جربوة بطريقتي الخاصة ومش هتندموا ابدا بإذن الله 👌

  • كيلو جمبري حجم وسط
  • 3 م ك ثوم مهروس
  • 1 طماطم
  • 1 فلفل رومي
  • ملح
  • نص م ص من التوابل التالية
  • فلفل اسمر
  • كمون
  • كزبرة
  • كاري
  • شطة
  • كركم
  • عصير ليمونة
  • م ك خل
  • 1/2 كوب لبن
  • 1/2 كوب دقيق
  • بيضة
  • م ك خل
  • ملح
  • 1/2 م ص من التوابل التالية
  • فلفل اسمر
  • كمون
  • كزبرة جافة
  • كاري
  • كركم
  • بابريكا
  • 1 كوب دقيق
  • 1/2 كوب بقسماط
  • 3 م ك نشا
  • رشة ملح وكاري
  1. بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ♥️
  2. نغسل الجمبري و نقشرة ونسيب الراس والذيل في حالة الرغبة ونشيل الخيط الرملي من سلسلة الظهر و خيط البطن ونتركة في مصفى يتصفي
  3. في الكبة نضع مقادير التتبيلة ١ ونضربهم مع بعض ونظبط الملح حسب الرغبة
  4. نترك الجمبري في التتبيلة دي ساعة
  5. في بولة نقلب مكونات التتبيلة ٢ و ننزل فيها بالجمبري ونتركة نص ساعة
  6. في صينية نقلب كل مكونات التغليف ونضع رشة ملح و كاري بسيطة اوي ونتبل الجمبري ونرصة في صينية تانية وندخلة التلاجة ساعة قبل القلي و يقدم ساخن مع سلطة ورز السمك وبألف هنا ❤️
  7. ملحوظه 🤓 ١-(التتبيلة ١) للجمبري اختياري مش اساسية بس بتدي طعم روعة لية بتجربتي الشخصية ولو تم الاستغناء عنها بنزود (للتتبيلة ٢) 👈ثوم مهروس ناعم جدا جدا او ثوم بودر.. ٢-خطواتة كتيرة شوية بس يستاهل بجد النتيجة تجنن بفضل الله ٣-كمية التوابل والبهارات حسب الذوق الشخصي وممكن نزود شطة او هريسة شطة و يبقى سبايسي ٣-النشا و البقسماط بيخلية كرسبي جدا افضل من استخدام الدقيق لوحدة.. ٤-الخل مهم جدا لانة بيقضي على زفارة البيض مع الجمبري اثناء التتبيل وطعمة مش بيان خالص ومش بيهري الجمبري متقلقوش 😅.. 👇
  8. بنسيب الجمبري ساعة في التلاجة عشان قشرة التغليف تمسك علية وميفكش في الزيت اثناء القلي والتحمير 😉.. ٦- الزيت يكون سخن مش بيغلي او حرارتة عالية جدا عشان الجمبري ميتحرقش وفي نفس الوقت ميشربش زيت لو الزيت بارد
  9. أخيرا كل من مر هنا يدعوا لجدتي بالرحمة والمغفرة وان يجعلها الله من أهل الفردوس الأعلى ❤️ فضلا لا أمرا 🌷
عجبتك الوصفة؟
شوف كل وصفاتنا في مكان واحد
كل الوصفات →