→ كل الوصفات

جمبري بالكاري 🇮🇳

وصفتنا من المطبخ الهندي هتعجبكم جدا بإذن الله ❤️

  • م ك زيت نباتي
  • 1/2 ك جمبري مقشر ومنظف
  • بصلة مفرومة
  • م ص زنجبيل بودر
  • م ص كمون
  • م ص كزبرة ناشفة
  • م ص كركم
  • م ص كاري
  • 1/2 م ص شطة
  • 2 توم مهروس
  • 2 طماطم مكعبات صغيره او م صلصة
  • 3/4 كوب حليب جوز الهند
  • ملح حسب الرغبه
  • 2 م ك كزبره خضراء مفرومة
  1. هنسخن الزيت النباتي في طاسة على نار متوسطه وبعدين هنضيف الجمبري المنظف ونقلب لمدة دقيقتين لحد مايحمر
  2. بعدين هنضيف البصل ونقلب لمدة 5 دقائق لحد مايدبل
  3. بعدين هنضيف الزنجبيل والكمون والكركم والشطة والكاري والكزبرة الناشفة وهنقلب وبعدين احط ملح وتوم وهقلب 10 دقايق
  4. وبعدين انزل بالطماطم المهروسة واخلطهم مع بعض كويس اووي وبعدين انزل بحليب جوز الهند واسيبها ع نار هاديه 10 دقايق تتسبك وهقفل عليها واقدمها متزينه بالكزبرة المفرومة وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →