→ كل الوصفات

جمبري روستو أسكندراني 🦐👌

(لا إله إلا أنت سبحانك إني كنت من الظالمين) #اطباق_2020 #على_ذوقي الجمبري الروستو او الاسكندراني من أسرع الأكلات اللي ممكن تعملوها واسهلها.. لذيذة جدا و شهية بفضل الله وطبق فاخر في نفس الوقت 😋 👌 جربوها بطريقتي يارب تعجبكم ❤️

  • 1 كيلو جمبري بالقشر مغسول ومصفي
  • 2 حبة طماطم جوليان
  • 2 حبة بصلة وسط جوليان
  • 2 حبة فلفل رومي جوليان
  • 6 فصوص ثوم صحيح او مفروم حسب الرغبة
  • 5 فصوص حبهان
  • 1 م ك خل
  • 2 م ك زيت
  • عصير 2 ليمونة
  • 1.5 م ص ملح
  • 1 م ص كسبرة
  • 1 م ص كاري
  • 1/2 م ص فلفل اسمر
  • 1/2 م ص شطة (أختياري) لو حبينة حار
  • 1/2 م ص كمون
  • 1/2 م ص بابريكا
  1. بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️
  2. نغسل الجمبري كويس ونصفية
  3. نقلب كل المكونات اللي فوق على الجمبري ونسيبة في التتبيلة والخضار ساعتين عالاقل وممكن قبلها بليلة
  4. طريقة التسوية كالتالي 👈الطريقة الأولى (١) في حلة على النار نضع كل المكونات على نار عالية جدا لمدة ٥ دقايق او ١٠ دقايق مجرد ما يغلى نقلب المكونات كلها لان هنلاحظ انة بدأ لونة يتغير ونخلية كمان من ٥ ل ١٠ دقايق ونطفي يعني كدة التسوية كلها حوالي من ١٥ ل ٢٠ دقيقة
  5. 👈الطريقة التانية (٢) نرص الجمبري والخضار في صينية ونغطية بالفويل (ورق الألومنيوم) وندخلها الفرن على أقرب رف للارضية لمدة ١٠ دقايق على احلى حرارة ثم نشيل ورق الفويل و نخفض النار للوسط ١٠ دقايق كمان و يقدم بالف هنا ♥️
  6. 👈الطريقة التالتة (٣) لو في طاجن فخار لازم نكون مسخنين الطاجن كويس جدا الأول وهو فاضي وبعدين نحط فية الجمبري بالخضار و التتبيلة ونغطي الطاجن بورق الفويل (ورق الألومنيوم) وندخلة الفرن على الرف الأقرب للارضية ربع ساعة على حرارة عالية او ٢٠ دقيقة بردو حسب حرارة الفرن وحجم الجمبري ونشيل ورق الفويل ونخلية الي اتمام السوا 😉 يقدم مع رز السمك او رز صيادية و سلطة طحينة وبابا غنوج وبالف هنا عليكم 😋
  7. أخيرا اللهم أغفر لجدتي وارحمها واسكنها فسيح جناتك يارب العالمين 🤲 ❤️
عجبتك الوصفة؟
شوف كل وصفاتنا في مكان واحد
كل الوصفات →