→ كل الوصفات

جمبري كنتاكي مقرمش سهل جداً

طريقة عمل جمبري كنتاكي مقرمش سهل جداً سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو جمبري كبير او حسب الرغبة
  • بقسماط بودرة من عند العطار
  • ثوم بودرة
  • بصل بودرة
  • بابريكا بطعم الجبنة
  • بيضتين او بيضة حسب الرغبة
  • فلفل اسود
  • كمون
  • ملح
  • دقيق
  1. نقشر الجمبري كويس ونخلع راسه وأثناء التقشير هتلاقي شريط صغنن خالص في ضهر الجمبراية طلعوا كذلك في كل واحدة
  2. نمسك طبق البيض ونلخبطه بالمعلقة ثم نضع في الطبق الجمبري بتاعنا واحدة واحدة
  3. نسيب الجمبري شوية في البيض ونجيب طبق متوسط تاني نحط فيه 4 ملاعق بقسماط كبار و3 ملاعق دقيق كبار ومعلقتين بابريكا وملعقة ثوم بودرة وملعقة بصل بودرة ورشة ملح ورشة فلفل اسود
  4. بعدين بصوابعك او بالمعلقة قلبي البهارات دي في بعض لونهم هيتحول للاورنجي الاحمر
  5. بعدين سخني الطاسة وحطي فيها زيت
  6. طلعي الجمبري من البيض غمسيه في طبق البقسماط والبهارات ثم غمسيه مرة اخرى في البيض ومرة في البهارات
  7. بعدين حطيه في الطاسة مسافة دقيقة واحدة هتلاقي اتنفش وبقى كنتاكي
  8. واول ما تلاقي لونه اتحول لاصفر تطلعيه مش اكتر من دقيقة كذلك بقية الجمبري وكده خلصنا ونقدم طبق كنتاكي الجمبري⁩
  9. بعدين نجيب طاجن او حلة صغيرة نحط فيها بصلتين متقطعة ونسيبهم 5 دقائق على النار ثم نضيف ليهم راس الجمبري ورشة فلفل اسود وعصرة ليمونة
  10. كده تكون عملت جمبري كنتاكي + شوربة برأس الجمبري وبالهنا على قلبكو احلى من المطاعم والله🥺⁦❤️⁩
عجبتك الوصفة؟
شوف كل وصفاتنا في مكان واحد
كل الوصفات →