→ كل الوصفات
طريقة عمل جناحات كنتاكي بارز الكوكوط سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ارز بسمتي
- جناحات الدجاج
- جلبانة (بازيلا)
- جزر
- زيت
- توابل
- بيض
- شوفان
- فرينة (طحين او دقيق)
- البصل
طريقة التحضير
- نغسلو لجناح و نديروهوم في كوكوط و نقطعو معاهم حبة بصل صغيرة على 4 و نقلوهم بالزيت و نضيفولهم التوابل و نغلقو عليهم الكوكوط و نقصو للقاز كي تبدأ تصفر نحسبو 10 دقائق و نطفو نصفو لجناح و البصل و نخلو المرق الى تشكلنا
- نجيبو الارز نغسلوه و نجيبو الكوكوط نضع حبة بصل و 2 حبات جزر مقطعة مربعات صغيرة و جلبانة (بازيلا) نقلوهم مع البصل و نعبرو الارز في غرفية و نضيفوه فوقهم و نقلوه و نضيفو نصف حبة طماطم منزوعة القشرة و نضيفو التوابل الكركم و القرايص و الملح و لما يتقلاو مليح نعبرو المرق تاع لجناح الى تشكل نعبرو ثلاث غرفيات نفس غرفية الارز من المرق و نضيفهم على الارز الا المرق قليل كملي العبر بالماء و غلقي الكوكوط لما تبدأ تصفر حسبيلها مدة 10 دقائق و طفي الكوكوط و متفتحيش الصفارة خليها مدة 15 دقيقة
- نجو للجناح: نوجدو طبسي فيه الفارينة و نضيفلها التوابل و الملح و نوجدو طبسي فيه الشوفان او شيبس مطحون خشين و نوجدو طبسي فيه البيض نغمسو الجناح في الفرينة ثم البيض ثم الشوفان و سخني زيت و قليهم حتى يحمارو
- و ديكور حسب الرغبة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد