→ كل الوصفات

جواز او مرق باللحم والجلبانة والفريت

السلام عليكم ورحمة الله وبركاته الصلاة والسلام على رسول الله صلى الله عليه وسلم #حراير_الجزائر #وصفة_الاحبة #الاكلات_الجزائرية هذي الوصفة من عند اختي ربي يخليهالي ويحفظها لما سكنت في داري جات عندي اختي وطيبت هذا الطبق بطريقتها مع سر في تحضير هذا الطبق ومن ذلك اليوم نحبوا المرق بهذه الطريقة ربي يبارك فيها ويحفظها وينجح بناتها واليوم عملته لما جا عندي اخي ربي يسعده ودرتله هذي العرضة ربي يخلي لكل واحد احباءه ويدوم عشرتهم ومحبتهم آمين يارب العالمين 🤲🤲🤲😘😘😘🌺🌺🌺🌺

  • اللحم حسب الرغبة
  • رطل جلبان
  • 2 حبات جزر مقطع مربعات صغيرة
  • حبة بصل مقطع مربعات صغيرة
  • 1/4 ملعقة صغيرة فلفل أسود
  • 1/4 ملعقة صغيرة سكنجبير
  • على رأس المغرف الصغيرة قرفة او عود صغير قرفة
  • 1/2 ملعقة صغيرة كركم
  • ملح حسب الذوق
  • ملعقة كبيرة سكر وهذا هو سر البنة
  • ملعقة كبيرة زبدة او تعوض بالشحم
  • 2 ملاعق كبيرة زيت
  • حبات بطاطا فريت
  1. اولا نضع اللحم والزبدة او الشحم في طنجرة والزيت وتخليه يتقلى نضيف البصل والجزر ونقلبهم جيدا حتى يتقلاو مليح
  2. نضيف الجلبان والفلفل الأسود والملح والقرفة وسكنجبير والكركم والسكر ونخلطهم ونمرق بالماء البارد كأس ماء
  3. نغلق الطنجرة لما تصرف نوضعها على الغاز الصغير وتكون النار قليلة جدا و نخليها مدة ساعة بالضبط ونفتح عليها ونشوف اذا يخصها الماء أو الملح ناخذ البطاطا نقطعها ونقليها وتقدم مع الجلبان
  4. وتقدم بألف صحة وعافية شهية طيبة وصح عشاكم
عجبتك الوصفة؟
شوف كل وصفاتنا في مكان واحد
كل الوصفات →