→ كل الوصفات
لما ما بكون على بالك تطبخي اشي رسمي هاي وصفة زاكية وبتسلي جربوها
المقادير
- 6 اجنحة دجاج
- 1 باكيت معكرونة سباغيتي
- للتتبيل الاجنحة
- 2 ملعقة كبيرة زيت زيتون
- 2 ملعقة كبيرة كاتشاب
- 2 ملعقة كبيرة لبن رايب
- 2 ملعقة صغيرة خل ابيض
- اوريغانو
- ملح وفلفل
- بهارات مشكلة
- شطة مطحونة
- لخلطة البندورة
- 2 حبة بندورة مفرومة
- 0.5 راس بصل كبير مفروم اجنحة
- 4 سن ثوم مفروم
- بهارات مشكلة
- ملح فلفل
- 4 كوب ماء لسلق المعكرونة
طريقة التحضير
- اول شي نعمل تتبيلة الاجنحة : نخلط لبن الرايب والزيت والكاتشاب والبهارات والشطة والملح والفلفل والاوريغانو وبنضيف الخل ونحركهم منيح كثير
- نعمل شقوق بأجنحة الدجاج قبل ما نتبلها..حتى تتداخل كل التتبيلة فيها...ونخليها 10دقايق بالثلاجة واحنا مغطينها
- بهالوقت بنجهز صلصة البندورة يلي رح نستخدمها كقاعدة للاجنحة بصحن التقديم : بنحمس البصل والثوم مع شوية زيت على النار لحتى يتحمرو وبعد هيك نضيف البندورة المفرومة ونص كاسة مي والبهارات والملح والفلفل ونتركها ل7 دقايق تنطبخ منيح
- هسا بنطلع الاجنحة من الثلاجة...وبندهن صينية الشوي بزيت خفيف وترتب الاجنحة فيها رح يزيد شوي من التتبيلة..بنضيفها على وجه الاجنحة وندخلها الفرن لمدة 10 دقايق وبنكون مولعين الفرن من الاسفل بس
- بعد هيك بنطلعها من الفرن بكون القاعدة تحمرت...نضيف ثلث كوب مي من طرف الصينية ونغطيها بالقصدير ونرجعها عالفرن بدها كمان 10 دقايق لربع ساعة...بهالوقت بتبلشي تغلي مي لسلق المعكرونة
- بعد هيك نفتح القصدير ونتركها للتحمير بالفرن لخمس دقايق بالزبط..هون بتكوني تستني المعكرونة تنسلق "كل مدة سلق المعكرونة هي 7 دقايق"
- بعد هيك نغسل المعكرونة بمي باردة ونضيف الها زيت وملح وفلفل واذا حابين تنكهوها بأي نكهة بتحبوها بنفع..هيك بتكون الاجنحة جهزت والمعكرونة خلصت وصلصة البندورة جاهزة كمان
- ضل اخر خطوة ترتيب الصحون...بصحن طويل بنسكب صلصة البندورة والبصل يلي جهزناها ونرتب فوقها الاجنحة ونسكب فوقها باقي الصلصة يلي نتجتلنا من تحمير الاجنحة بالفرن
- المعكرونة تقدرو تسكبوها بصحن واحد كبير او مثل ما عملت بصحون مفرقة على عدد الاشخاص يلي رح يكونو عالسفرة
- اخر شي نضيف جناحين لكل صحن ونسكب من الصلصة على المعكرونة وصحتين وهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد