→ كل الوصفات

حساء العدس الأحمر قمة في الروعة واللذة 💯

#مقبلات_رمضان

  • 2 حبات بصل (كراث)
  • 2 حبات جزر
  • 1 حبة لفت صغيرة
  • عدس أحمر
  • كرافس
  • فص ثوم
  • زيت الزيتون
  • 1/2 ملعقة صغيرة كركم
  • ن.م.ص فلفل عكري (حلو)
  • ن.م.ص فلفل أحمر حار
  • 1/2 ملعقة كمون
  • ملح
  • كريمة سائلة
  1. نقي المكونات تاعي و نغسلهم جيداً
  2. في قدر ندير زيت الزيتون و شوية زيت نباتية نضيفلها الخضر مقطعة عشوائيا (لأننا رح نطحنوها)
  3. نقليهم مليح مع الملح. نضيفلهم الفلفل الأحمر الحار و الأحمر العكري و الكمون و الكركم.نخلط مليح
  4. نحط معاهم الثوم و الكرافس نخلط
  5. نضيفلهم الآن العدس الأحمر اللي نكون غسلته مرة واحدة (على حسب نوعيته لأنو تع الميزان مثلا تغسليه مرتين أو ثلاثة)
  6. نمرق بالماء الساااخن و نطيبه في الأول على نار عالية كي يغلى نقسله و نعسه باش ما ينشفليش
  7. مدة الطهو ليست طويلة تقريبا ياخدلنا نصف ساعة حتى ل 40 دقيقة
  8. نطفي عليه نخليه يبرد شوية و نميكسيه (أطحنه) بالميكسور (اللي ما عندهاش ميكسور ترحيه في رحى اليدوية)
  9. عند التقديم فرغي فوقه شوية كريمة سائلة أو زيت الزيتون أو رشة فلفل أحمر أو كمون أو معدنوس (بقدونس).لك الاختيار 😁
  10. ملاحظة: قوام هذا الحساء ثقيل.. تحسيه كأنه purée... من الأفضل يكون ثقيل و ادا ما حبيتيش تقدري تضيفيله شوية ماء ساخن.وبالهناء و الشفاء😇
عجبتك الوصفة؟
شوف كل وصفاتنا في مكان واحد
كل الوصفات →