→ كل الوصفات
#رمضانك_اقتصادي_مع_حملة_اطبخها_اقتصادي وهو دة شعارنا في رمضان ان شاءالله،، وكل عام وانتم الي الله اقرب 🕋📿،،، بسبب الازمة الاقتصادية العالمية، أطلقت حملتي الجديدة حملة #اطبخها_اقتصادي، واللي هدفها ان شاءالله هو طبخ جميع الوصفات ولكن بطريقة اقتصادية واقتراح بدائل لأحد مكوناتها الغالية الثمن ان وجد، والله ولي التوفيق 🌷🌷 لمعرفة التفاصيل والمشاركة رجاء التواصل معي
المقادير
- م ك سمنة
- ¼ مفروم لحم او اكتر حسب الرغبة
- بصلة كبيرة مبشورة
- 1 من (كوسة ، بطاطس ، جزر) مبشورين
- م ك ثوم مفروم
- م ص من (بهار مشكل ، فلفل ، بابريكا)
- م ص قرفة (اختياري)
- 3 م ك صلصة + نص كوب ماء (خطوة اختيارية حسب نوع الوصفة)
- مكعب ماجي
- ملح
- اي نوع خضرة تفضليها
طريقة التحضير
- في طاسة غويطة نزلت السمنة واللحمة شوحتها لحد لما لونها اتغير ، بعظين نزلتوالبصلة شوحتها شوية ، بعدين نزلت الخضار و الثوم وفضلت اشوح فيهم ،
- بعد كدة نزلت التوابل والصلصة والماء (الخطوة دي اختيارية) حسب نوع الوصفة اللي هتعمليها ، اسيبها تتسبك شوية واخر حاجة ضيفت الماجي والملح ، واي نوع خضرة تفضليها وبس كدة ،
- افكار بالحشوة الاقتصادية: ● كوسة بالبشاميل ● مكرونة بشاميل ● مكرونة بولونيز ● تكساس فرايز ● بطاطس محشية باللحمة المفرومة ● جلاش او سمبوسك بس من غير خطوة الصلصة ● حواوشي بس من غير الصلصة والحشوة تكون نية ● بيتزا ● مسقعة ● كانيلوني
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد