→ كل الوصفات

حشو السجق الشرقي

#المطبخ_لعبتي

  • كيلو لحم مفروم
  • كوب فول صويا مطحون
  • 1/4 كيلو دهن
  • 1/4 كيلو فلفل احمر
  • بصله كبيره
  • 1/2 كوب نشأ
  • هانك أو ممبار ضاني
  • التتبيله
  • ملح
  • معلقه كبيره فلفل اسود
  • معلقه كبيره كبابه صيني
  • معلقه كبيره توم بودره
  • معلقه كبيره بصل بودره
  • معلقه كبيره بابريكا
  • معلقه كبيره بهارات لحمه
  • معلقه كبيره كاري
  • معلقه كبيره كسبره ناشفه
  1. فالكبه أو المفرمه هنخلط كل المكونات مع بعض حلو اوي ونظبط الملح
  2. هنجيب الممبار الضاني ونضفه كويس اوي بالخل والملح ونسيبه يتصفي
  3. هنجيب قمع عادي وندخل فيه الممبار ونمسكها كويس ونحشي الممبار بالخلطه كويس ونقفله من تحت ونخليه مش مكبوس حشو اوي عشان ميفرقعش ونعرف نقسمه زي اللي بنشتريه
  4. هنقسمه ونربطه من تحت وهكذا لحد مانخلص الكميه هنجيب شماعه وده المتاح عندي فالبيت وسهل لأي حد يقدر ينفزه فالبيت ونجيب حبل أو قطع قماش رفيعه اوي ونربطها فالسجق من فوق ونعلقه فالشماعه وهكذا كل فرع نعمله ونعلقه وبعدين نعلق الشماعه فاي مكان في تهويه كويسه ونحط تحتها صينيه وفيها اي قطعه قماش عشان السجق هيتصفي وهيوقع الميه عالصينيه فالقماشه تمتص السوايل الزياده متبهدلش الدنيا
  5. هنسيبه يوم يتصفي خالص وهو متعلق وبعدين هنقسمه حسب الاستخدام ويحفظ فالفريزر
عجبتك الوصفة؟
شوف كل وصفاتنا في مكان واحد
كل الوصفات →