→ كل الوصفات
حصري😍أحلي كنافة ممكن تعمليها بأحلي حشوة ابهري بيها البيت كله #المرور_الاول
المقادير
- 1/2 كيلو كنافة
- 3 معالق كبيرة سمنة
- الحشوة
- كوب دقيق سميد
- 1/2 كوب سكر
- 2 معلقة كبيرة قرفة
- 1/4 كوب ماء
- السيرب
- 2 كوب سكر
- 2 كوب ماء
- عصير نص ليمونة
- 1/2 معلقة سمنة لدهن الصينية
طريقة التحضير
- نفك الكنافة من بعضها بتقطيعها ولو مش فاهمة اوي شوفى الفيديو ونحط عليها السمنة ولازم تكون سايحة ونحاول نخلي الكنافة كلها شاربة من السمنة كويس
- نعمل بقى الحشوة في بولة نحط السميد مع السكر مع القرفة ونقلبهم كويس مع بعض لحد مايبقوا لون واحد وبعدين نزود الماء شوية شوية لحد ما تبقى زي رملة البحر اوعى تحطى الماء دفعة واحدة علشان ماتسلش منك وتبوظ.كدة الحشوة جاهزة
- نعمل بقى السيرب نحط السكر والمية على نار عالية لحد مايغلوا غلوتين بدون تقليب علشان السكر هايدوب لوحده وبعد كدة نحط عصير الليمون ونهدى النار ونسيبه ١٠ دقائق بس واطفى عليه علشان انا عايزاه وسط لا تقيل ولا خفيف وكمان يبقى بارد
- في صينية ادهينيها سمنة حطى نص كمية الكنافة واضغطى عليها كويس جداً وبعدين حطى الحشوة وبلاش تجيبيها عند الأطراف وبعدين حطى نص الكنافة التاني وبرده اضغطي كويس جداً دخلها الفرن على الرف الأوسط على درجة حرارة ٢٠٠ لحد ما تأخذ لون ذهبي وبعد كدة خرجيها واقلبيها خلى إللى تحت فوق بس لازم تحطى حتة سمنة صغيرة في الصينية وبعد كدة دخليها الفرن لحد ما تأخذ نفس اللون من تحت خرجيها واسقيها بالسيرب(الشربات)على طول وهى ساخنة وسيبيها شوية لحد ماتبرد وقطعيها هاتكلى أحلى كنافة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد