→ كل الوصفات
ما في الذ من خلطة البشاميل مع العديد من الاطباق وخاصة المعكرونة. اليوم حضرنا خلطة البشاميل بطعم الجبنة بطريقتي الخاصة والمعتمدة. اليكم طريقة تحضير خلطة بشاميل ماجي بطعم الجبنة بخطوات بسيطة بالصور بنكهة لذيذة مثل الجاهزة.
المقادير
- المكونات خلطة البشاميل البودرة على طريقتي
- 3 كوب دقيق
- ½ كوب نشا
- ½ كوب لبن بودرة
- ملعقة صغيرة ملح
- ملعقة صغيرة فلفل ابيض
- ملعقة صغيرة قرفة بودرة
- ½ ملعقة صغيرة جبهان مطحون مع ورق لور
- ½ ملعقة صغيرة ثوم بودرة
- ملعقة صغيرة بصل بودرة
- ملعقة صغيرة بابريكا
- ملعقة كبيرة ونصف طعم الجبنة
- خليط المكرونة
- ½ كيلو مكرونة اى شكل
- كيلو لبن يكون مغلي وبارد
- 50 جرام جبنة شيدر مبشورة
- ملعقة ونصف صغيرة ملح
- ½ ملعقة كبيرة سمنة
- ملعقة كبيرة زيت
- 5 ملاعق كبيرة من خلطة البشاميل
طريقة التحضير
- اول حاجة نخلط كل مكونات البشاميل البودرة مع بعض ويوضع فى برطمان
- لعمل مكرونة بالبشاميل نسلق المكرونة فى ماء مع ملعقة كبيرة ملح و2 ملعقة كبيرة زيت لمدة 8 دقايق وتصفي من الماء الساخن وتترك على جانب من غير ما احط عليها ماء بارد
- لعمل البشاميل يوضع فى حلة نصف ملعقة كبيرة سمنة مع ملعقة كبيرة زيت ويضاف ملعقة كبيرة من خليط دقيق البشاميل ونحمصها لحد ما تاخذ لون ذهبي ترفع الحلة من على النار ويضاف نصف كمية اللبن البارد ويقلب مع بعض ويضاف على نصف كمية اللبن الاخر 4 ملاعق كبيرة من خلطة دقيق البشاميل وتقلب مع اللبن البارد كويس
- ويضاف فى الحلة ويقلب مع البن كويس لحد خليط دقيق البشاميل ما يذوب ويضاف 50 جرام جبنة شيدر مبشورة ويرفع الحلة على النار ويقلب مع بعض لحد الجبنة ما تذوب البشاميل يكون القوام غليظ
- ويوضع ربع كمية البشاميل على المكرونة وتوضع نصف كمية المكرونة فى صينية وممكن يضاف لحمة مفرومة معصجة ويضاف باقي المكرونة ويضاف على الوجه باقي البشاميل بس انا عملتها من غير لحمة علشان ابنى مش بيحب للحوم
- وتوضع الصينية فى الفرن لحد ما تاخذ لون ذهبي وتترك لحد ما تبرد وتقطع بالسكين مربعات وتقدم وبالف هنا
- ملحوظة مهمة ممكن تعملي خليط البشاميل باي طعم غير الجبنة ممكن بطعم الدجاج وعلى حسب الذوق شارك برأيك في التعليقات لو عجبتك الوصفة كان معاكم حنان الوراقى
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد