→ كل الوصفات

حلا نسكافية

سهلة وسريعة ولذيذة ومميزة لمحبي القهوة

  • 3 بسكوت ماري كبير
  • 10 ملاعق حليب
  • علبة قشطة سادة
  • 2 ملاعق نسكافية
  • 4 أكواب ماء
  • 4 ملاعق سكر "أقل أو اكثر حسب الرغبة"
  • ظرفين كريم كراميل
  • 2 ملاعق كاكاو "حسب الرغبة ونوع الكاكاو"
  1. اول شي اعملي طبقتين بسكوت ماري بالصحن غمسيهم بالحليب ولو تحبي نسكافيه افعلي معه شويه يطلع نكهة
  2. بعدين بالخلاط اعملي واحد باكت بسكوت ماري مع علبة قشطة وملعقة نسكافيه واخلطيهم سوا مع بعض
  3. وبعدين حطي ع النار كوبين ماء و ٤ ملاعق حليب و ٣ ملاعق سكر و ظرف كريم كراميل ولمن يغلي اسكبيه فوق الخليط اللي بالخلاط واخلطيهم سوا بعدين اسكبيه فوق طبقة البسكوت الماري ودخليه الثلاجة المهم كوني منتبهه عشان البسكوت ما يطلع لك وبرضو الخليط يتجمد بسرعة. وبعدين خليه بالثلاجة حق الساعتين يتماسك
  4. وبعدين اعملي ع النار كوبين ماء وظرف كريم كراميل و ٤ ملاعق حليب و ٣ ملاعق سكر وكاكاو ع حسب نوع الكاكاو المهم ما تعملي كثير ويكون مر. المهم بعدين لمن يغلي اسكبيه فوق الطبقات وخليتيه يبرد وبرضو انتبهي تسكبيه بسرعه حتخرج لك طبقه الكراميل انتبهي وانتي تسكبي وبرضو بيتجمد بسرعة فكوني سريعة وحذره
  5. حطيه في الثلاجة لمدة ساعة او ساعتين على حسب وبالعافية عليكي
عجبتك الوصفة؟
شوف كل وصفاتنا في مكان واحد
كل الوصفات →