→ كل الوصفات

حلقات البطاطا الحلوة بالحليب والزبدة 😋💓🍠

البطاطا الحلوة معروفه دايماً إنها تكون بطاطا مشوية🍠 في الفرن بس البطاطا ممكن نعملها بطرق مختلفة كتير والمرة دي هعلمك طريقة عمل البطاطا الحلوة بالحليب والزبدة بطعم لذيييييذ😋 جربيها بنفسك وشوفي العظمة ✌️🤩 #المريول_الذهبي

  • 1/2 كيلو بطاطا حلو
  • 1/2 كوب حليب
  • 1/2 كوب ماء
  • 2 ملعقة كبيرة سكر
  • 1 ملعقة كبيرة زبدة
  • 1 كيس فانيلا
  • كمية من جوز الهند
  • كمية من الزبيب
  1. أولاً إغسلي البطاطا كويس جداً وبعد كدة قشريها زي ما بتقشري البطاطس وبعد كدة قطعيها حلقات😍
  2. جيبى صينية وحوطي فيها البطاطا وبعد كدة ضيفي السكر والفانيلا والحليب والماء وملعقة الزبدة وقلبيهم مع بعض وحوطي الصينية على نار هادئة وغطي الصينية وسيبي البطاطا لحد لما تتشرب كل كمية الحليب والماء😍
  3. بعد لما البطاطا تشربت كل كمية الحليب والماء دخلي الصينية الفرن وشغلي الشواية لحد لما تتحمر حبة من فوق وبعد كدة خرجيها من الفرن ورشي عليها جوز هند وزبيب أو ممكن تسيبيها سادة حسب ذوقك ورغبتك 😍
  4. قدمي البطاطا بعد كدة في اطباق التقديم وإستمتعي بالطعم التحفة لذيذة ومغذية جداً جربيها أكيد هتعجبك 😍🤗💓🌹
عجبتك الوصفة؟
شوف كل وصفاتنا في مكان واحد
كل الوصفات →