→ كل الوصفات

حلوة البابا على طريقة ام وليد

#حلويات_خفيفة_اقتصادية

  • 10 ملاعق كبار فرينة
  • 4 م ك زيت
  • 4 م ك حليب
  • م ك سكر
  • م ك خميرة الخبز
  • 3 حبات بيض
  • م ك فانيليا
  • السيرو
  • كاس سكر
  • 2 كاس ماء
  • قطعة صغيرة ليمون
  • التزيين
  • كريم شونتيي
  • كاس بودرة الشونتي
  • كاس حليب بارد
  1. اولا نحضرو السيرو: كاس سكر نضيفولو 2 كاس ماء وقطعة صغيرة ليمون ونديروه فوق النار حوالي 10دقايق و نطفو عليه
  2. للعجينة : نخلط الخميرة مع 4 مغارف حليب دافي مع مغرفة سكر و نغطيهم نخليهم يخمرو حوالي ربع ساعة
  3. لما يخمرو نخلط 10 مغارف فرينة مع 3 حبات بيض مع مغرفة كبيرة فانليا مع الخليط لي خمر نضربوهم جيدا بالفوي حتى ينسجمو نضيفلهم الزيت و نبدا نضرب فالعجينة حوالي 3 دقايق و نتوقف نغطوها نخلوها تخمر حوالي نصف ساعة.. بعدها نجيب لي مول سيليكون ااو حديد لي متوفرين عندكم.. اذا كانو حديد ندهنوهم قبل.. انا استعملت هذا المول ونفرغ في كل مول حوالي ملعقة كبيرة من الخليط لما نكملوهم نخليهم يزيدو يخمرو نص ساعة ساعة اخرى
  4. لما يضاعف الحجم تاعهم ندخلوهم الفرن يطيبو لما يتحمرو نخرجوهم و نديموليهم و نشربهم فالسيرو مباشرة نخلوهم يتشربو مليح حتى تحسوهم ثقالو نخرجهم نحطهم في صحن و نبدا نزين فيهم بالكريم شونتيي (كاس بودرة الشونتي+ كاس حليب بارد نخلطهم جيدا حتى نتحصلو على القوام المطلوب) نقسم كل حبة على اثنين نحشيها بالكريم شونتيي و كذلك نزينها من الفوق بالكريم شونتيي.. ان شاء الله يعجبوكم.. شهية طيبة 🌹🌹
عجبتك الوصفة؟
شوف كل وصفاتنا في مكان واحد
كل الوصفات →