→ كل الوصفات
#وصفات جزائرية 🇩🇿 🇩🇿 🇩🇿 #حلويات جزائرية 🇩🇿 🇩🇿 🇩🇿 #وصفات ام يارا 🇩🇿 #يعطيك_العافية غيرت شكل سيليكون لاني ما لقيتش المول وعملت الحلوة في مناسبة وعجبهم ضيوف ذوقها رائع 😋 😋 😋 😋
المقادير
- 250 غ زبدة طرية
- 04 ملاعق كبار سكر ناعم (قلاصي)
- 04 ملاعق كبار مايزينا (نشاء الذرة)
- 02 حبات بيض 🥚 🥚 كاملين
- قرصة ملح
- 02 ملاعق صغار فانيلا
- 02 ملاعق صغار خميرة الحلويات (بيكينج بودر)
- كأسين فرينة
- كمية كاوكاو محمص اؤ كاوكاو مملح
- كمية كراميل توفيا
- شوكولاطة سوداء 🍫
- ملمع ذهبي
- شوكولاطة بيضاء
- شوكولاطة سوداء 🍫
طريقة التحضير
- اولا بسم الله الرحمن الرحيم. شكل مول سيليكون
- لتحضير العجينة نضع 250غ زبدة طرية ونزيد 04 ملاعق كبار سكر ناعم 🍥 و04 ملاعق كبار مايزينا (نشاء) ونزيد 02 حبات بيض 🥚 🥚 كاملين وقرصة ملح و02 ملاعق صغار فانيلا ونخلط المكونات بالباتور أو اليد أو بالفوي حتى نتحصل على كريمة
- وفي الاخير نضيف كأسين فرينة مع 02 ملاعق صغار خميرة كيميائية (بيكينج بودر) ممسوحة ونغربلهم حتى نتحصل على عجينة طرية ونغطيها بكيس بلاستيكي وندخلها للثلاجة ترتاح لمدة 15 دقيقة
- نفتح العجينة على كيس بلاستيكي أو ورق الطهي ونحلها بالحلال بسمك 04 ملم
- ونطبع بالطابع على شكل دائري 🔵
- من بعد نحطهم في سنيوة وندخلها للفرن كنت شعلتو من قبل على درجة الحرارة 160د نطيبها من تحت ثم نشعلهم من فوق نحمرها غير شوية ونخرجهم من الفرن 🔥
- نذوب شوكولا سوداء 🍫 على حمام مائي ثم ندهن المول تاع سيليكون بالشوكولا سوداء 🍫 بالبانسو نحط شوكولا في القاعدة ثم في الأطراف ونكملهم كامل بنفس الطريقة من بعد ندخل هذا المول للمجمد لمدة 10 دقائق ونحيه
- من بعد ما فاتت 10 دقائق نزيد نعاود ندهنها بالشوكولا 🍫 للمرة ثانية ونركزو على الأطراف أكثر من القاعدة وندخلها للمجمد للمرة الثانية لمدة 10 دقائق
- من بعد ما فاتت 10 دقائق نجيب كاوكاو محمص أو كاوكاو مملح نضعها في المول ثم نحط كراميل توفيا قيس ما يتغطي الكاوكاو محمص
- من بعد نشد حبة صابلي ونقلبو وندخلو في المول تاع سيليكون ما يكون كبير عليه
- ثم نغطيه طبقة رقيقة تاع شوكولا 🍫 ما نكثروش شوكولا ونركزو على الأطراف نغطيه مليح ونكملهم بنفس طريقة
- ونعاود ندخلها للمجمد نخليه لمدة 20 دقيقة
- من بعد نحيه من المول وننزع الأطراف زائدة باليد أو بسكين
- نذوب شوكولا بيضاء و سوداء على حمام مائي ثم نحضر مول الارابيسك ونضع على المول كمية قليلة من شوكولا بيضاء بملعقة صغيرة ثم نوزع شوكولا بيضاء ونضغط عليها باش تدخل كامل في شكل من بعد نحو زوائد بالكوبات ثم نشمخ قطعة قماش بماء دافئ ونظفو المول جيدا من بقايا الشوكولا وندخلها للمجمد
- من بعد نجيب مول ثاني لي فيه دوائر ونثبتها جيدا راح نجيب شوكولا سوداء 🍫 ونملأ الدوائر ونعاود ندخلها للمجمد من بعد ما جمدت ونحيه
- بالنسبة للتزيين زينتو بملمع ذهبي ثم زينتو من فوق الارابيسك لصقو شوية شوكولا 🍫
- من بعد نضعه في ليكيسات
- من بعد نحطو في صحن تقديم
- بصحة والعافية 😋 😋 😋 😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد