→ كل الوصفات
طريقة عمل حلوة محشية بدون بيض وبدون جهد ، على طريقة أم يارا سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كأس كاوكاو محمص و مطحون
- 1/2 كأس جوز الهند
- 1 م ك حلوة الترك
- مربى بذوق المشمس
- 125 غ مارغارين طرية
- 3 حبات جبن مثلثات
- 2 م ك سكر ناعم
- 1 م ص فانيلا
- 2 م ك نشاء
- 1/2 م ص خميرة كيميائية
- كأس و نصف فرينة
- ڨوفريط بذوق الشوكولاطة مرحي
- للتزيين
- وريدات الشوكولاطة البيضاء
طريقة التحضير
- للحشو ، نضع في إناء كاوكاو محمص و مطحون+ جوز الهند ، ثم نجمع المكونات بالمربى ، و نخلط جيدا باستعمال أصابع اليد حتى نتحصل على حشو معسل
- نشكل بواسطة الحشو كريات بحجم 10غ ، نضعهم في سينية و نغطيهم بكيس بلاستيكي
- للعجينة، نضع في إناء مارغارين طرية+ جبن + سكر ناعم+ فانيلا ، ثم نخلط المكونات جيدا باستعمال أصابع اليد
- نضيف للخليط السابق النشاء + الفرينة تدريجيا+ الخميرة الكيميائية، ثم نخلط جيدا و نجمع المكونات حتى نتحصل على عجينة طرية
- نشكل بواسطة العجينة كريات بحجم 23 غ (19 كرية)
- نبسط كرية العجينة قليلا (بسمك رقيق على الجوانب) ، ثم نضع كرية الحشو وسطها ، و نغلق عليها جيدا
- نضع الكريات المحشية في سينية بها ورق الطهي، و ندخلها الى فرن ساخن مسبقا للطهي على درجة حرارة 160°
- بعد الطهي ، بواسطة فرشاة ندهن حبات الحلوة وهي باردة بالمربى او العسيلة ، ونرمدها داخل الڨوفريط المرحي
- في الاخير ،نزين سطح حبات الحلوة بوريدات الشوكولاطة ، ويبقى التزيين اختياري
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد