→ كل الوصفات
عيد أضحى مبارك وكل سنة وانتم طيبين اكله اكترنا بيحبها وعندنا فى اسكندرية بنحب نطبخها اول لما الاضحية تدبح(سواء كانت عجل او غنم او ماعز او إبل) نطلع الحلويات وهى الكبد والقلب والكلاوي والفشة ويتقطع كله ويتسوي ويتقدم وهو ساخن ويتفطر بيه والنهارده عملكم الحلويات بطريقة سهلة وبسيطه وسريعه وبالف هنا 🌹❤️
المقادير
- حلويات الذبيحة(كبده وكلاوي وقلوب وفشة)
- ثوم مفروم (الكميه حسب الرغبة)
- فلفل أخضر حار
- ملعقة كبيرة فلفل اسود وملح
- ملعقة كبيرة كمون بودر
- 1/2 ملعقة صغيرة شطه
- ملعقة صغيرة زنجبيل بودر
- ملعقة كبيرة كزبرة جافة
- 1/2 ملعقة صغيره ثوم بودر وبصل بودر
- 1/2 ملعقة صغيرة بابريكا
- 1/4 كوب خل ابيض
- 1/4 كوب عصير ليمون
- قطع صغيرة بصل
- جرجير وليمون وفلفل حار للتقديم
طريقة التحضير
- انا دايما بسلق الكلاوي لوحدها فى ماء وملح وفلفل اسود والفشة نفس الطريقه الأول حتى تمام التسوية علشان اللي مش بيحب ريحة الزفارة فيهم وبعدين بطلعهم واقطعهم قطع صغيرة وبعدين بحضر البهارات اللى حنضيفها على الحلويات كلها وانا هنا بعمل كل صنف لوحده نحضر البهار نقطع الفلفل ونحط عليه البهارات والخل
- ونقطع الثوم ونهرسه خفيف ونقطع الكبده والقلوب وبعدين فى اكتر من مقلاة نضع الزيت واول لما يسخن نضيف جزء من التتبيلة ونقلبها شويه واول لما تطلع ريحتها الجميلة ونقطع بصل قطع صغيرة وده علشان الفشة فقط نحط البصل ومعاه الفشه وجزء من نفس التتبيلة وبعدين كل صنف فى مقلاة أخرى ونسوي
- واول لما تستوي نضيف باقى التتبيلة على الأصناف كلها ونقلب ونضيف عصير الليمون على الكبده والكلاوى والقلوب ونقلب تقليبة ونرفعهم من على النار ونحضر بقى الجرجير والعيش والليمون والفلفل
- واتفضلوا بالف هنا على قلوبكم وعيد أضحى سعيد علينا وعليكم يارب العالمين 🌹❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد