→ كل الوصفات
جديده ولذيذه جدا وممكن تتعمل للضيوف او في العزومات شيك اوي وشكلها مغري للكبار والصغار
المقادير
- كيلو لبن
- نشا
- سكر
- كيس فانيليا
- للجيلي
- علبة جيلي اي طعم تفضلوا
- كوب ماء مغلي
- كوب ماء بارد
- 0.25 كوب سكر
- مكسرات
- لوز وكاجو وعين جمل وفستق سوداني مجروش وزبيب وجوز الهند
طريقة التحضير
- نحضر حله ونضع بها اللبن ويكون بارد بس مغلي من قبل كدا ومتبرد والسكر والنشا حوالي اربع معالق كبار مش مليانين اوي او تلت معالق مليانه ولو احتاجتي زودي عادي ونقلبهم كويس جدا
- نرفعهم على النار وكل شويه نقلب لحد ما تتقل بالقوام المناسب بس متكونش خفيفه تكون تقيله شويه
- نفرغها باطباق او كاسات نص الطبق او الكاس مش بنملاه عشان الجيلي ونسيبها تبرد شويه ونحطها في التلاجه تمسك نفسها كويس
- الجيلي بقا نحط السكر والجيلي في كوب ماء مغلي وندوبهم كويس جدا وبعدين نحط عليه الميه الساقعه ونقلبهم ونسيبه يبرد لحد ما المهلبيه تمسك كويس
- نرص المكسرات على المهلبيه اي نوع متوفر عندك منهم مش لازم كله يعني ونصب عليها الجيلي بس ببطء عشان ميقطعش المهلبيه او ممكن نبقي نحط المكسرات على الوش وقت التقديم
- نسيبهم في التلاجه لحد ما الجيلي يمسك كويس وبعدين قدميها
- وبالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد