→ كل الوصفات
من ألذ أنواع الحلوى اللي كبرنا عليها نحن أهل شيراز هي هذي الحلوى غالباً كانت تحضر في شهري محرم وصفر أو في شهر رمضان، وكانت توزع کنذر حتى جدتي كانت كل سنة في يوم ٢٨ صفر توزع هذي الحلوى نذراً، وكنا نتجمع كلنا وتبدأ طقوس الطبخ واللمة الحلوة ... الله على ذيك الأيام... ما كنت أتخيل يجي يوم وتصير مجرد ذكرى جميلة في القلب... وبس #مريولي_باسمي #حلوي #طحین_الارز #دقیق_الارز
المقادير
- 2 كوب دقيق الأرز
- 10 أكواب ماء بارد
- 1/2 كوب زيت ويفضل أن يكون صلب نباتي
- 1/2 لتر من ماء الورد
- 3 إلى 3 ونصف كوب من السكر
- 2 جرام من الزعفران المطحون والمخمر حاضر
- كوب واحد من اللوز المقطع
- القرفة حسب الحاجة للتزيين
- قليل من الزيت السائل الدافئ للطلاء والتزيين
طريقة التحضير
- من الأفضل تحضير هذه الحلوى باستخدام طحين الأرز المنزلي المصنوع من الأرز الإيراني، لأنه يعطي نكهة ورائحة أطيب بمرتين
- ضعي طحين الأرز في قدر و حمصيه على نار هادئة لحد ما تختفي ريحة الطحين الني وتطلع ريحة الأرز الزكية. انتبهي الطحين ما لازم يغير لونه أبداً
- بعدها شيلي القدر من على النار، وانخلي الطحين، وابدئي أضيفي له مية باردة شوي شوي وحركي بسرعة لحد ما يذوب تماماً انتبهي، أبداً ما لازم يتكتل، وإذا تكثل لا سمح الله، ضروري تمرريه من مصفاة
- بعدها حطي القدر على نار هادئة من جديد وحركي باستمرار لحد ما يطيب طحين الأرز تماماً ويختفي طعمه الني. وإذا أثناء الطبخ حسيتي الخليط صار ثقيل، زيدي له شوية مية مغلية علشان يستوي عدل وما يظل ني
- في نص الطبخ، أضيفي شرائح اللوز ، اللي كنتي نقعتيهم من قبل، علشان يطبخوا مع طحين الأرز ويصيروا طريين ولذيذين. كمية الخلال ترجع لذوقك، وإذا حبيتي تقدري تقليها
- ولما الحلوى تجهز وتستوي تمام، أضيفي لها الزعفران وحركيها زين، علشان تاخذ اللون اللي تحبينه ويصير شكلها يفتح النفس
- ولما الخليط يطيب تمام ويتكاثف أضيفي له السكر. انتبهي لا تضيفي السكر من البداية، علشان ما يصير الطبخ متعب وطويل. لأن بعد ما تحطين السكر الخليط يصير أخف شوية، ويرجع ياخذ وقت لين يتكاثف من جديد
- بعدها أضيفي ماء الورد والزيت، وحركيهم زين مع بعض وخلي الحلوى على النار شوية علشان تتسبك وتوصل للقوام المطلوب
- ضروري تضيفي الزعفران قبل الزيت، علشان الحلوى تاخذ لون أحلى وأوضح لأن لو حظيتي الزيت أول، يمنع الأرز من امتصاص لون الزعفران وما تطلع الحلوى بلون جميل
- بعدها صبي الحلوى في الأطباق اللي تحبينها، وخليها تبرد شوي علشان تهدأ حرارتها وتتماسك زين
- سخني شوية زيت، وباستخدام ظهر الملعقة، ادهني وجه الحلوى بخفة، وبعدين زينيها بالقرفة على ذوقك
- الزيت اللي تدهني فيه الوجه ما لازم يكون حار، بس دافي كفاية. هالشي يخلي سطح الحلوى يلمع وما يتخرب شكلها، ومن جهة ثانية يخلي القرفة تثبت زين على الوجه وتعطي لون حلو للتزيين
- واستخدام شرائح اللوز أو الفستق أو بتلات الورد أو أي نوع تزيين ثاني، كله يرجع لذوقك ولمستك الخاصة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد