→ كل الوصفات

حلى البسكويت بالكاسترد والفراولة 🍓🍓 بدون فرن

حاجة حلوة خفيفة و سهلة مكوناتها متوفرة ومن غير فرن و مناسبة لأجواء عيد الحب♥️♥️😍😍

  • 2 باكو بسكوت شاي سادة
  • 2ونص كوب لبن
  • معلقتين كبار بودرة كاسترد
  • باكو كريم كراميل
  • كوب فراولة مقطع وعليه ربع كوب سكر
  • معلقة خل بلسمك(اختياري)
  1. نرص طبقة بسكويت في البايركس
  2. الفراولة نحطها على النار لحد ما تنزل كل ميتها و تغلي هي و السكر و نحط لها ملعقة صغيرة نشا و نقلب و نزود ملعقة خل بلسمك اختيارية بس بتدي طعم تحفة طبعاً ممكن نستغني عنها عادي..و حلة فيها اللبن و الكاسترد و الكريم كراميل نقلب لحد ما الخليط يتخن و طبعاً لو بتحبوا الحاجة مسكرة زودوا سكر مع اللبن
  3. على الفراولة نزود ربع مقدار الكاسترد و نقلب و نصية على البسكوت و نرص فوقه طبقة تانية
  4. و ننزل فول الطبقة الثانية بالكاسترد و تدخل الثلاجة 4 ساعات و تتطلع نزينها باي فاكهة نحبها أو صوص
  5. و تقطع و تقدم و بالف هنا و عافية
  6. خفيفة و هيحبها الصغار و الكبار
  7. جربوها هتحبوها♥️♥️🍓🍓🍓
عجبتك الوصفة؟
شوف كل وصفاتنا في مكان واحد
كل الوصفات →