→ كل الوصفات
حلى الطبقات🥧 سهل و سريع من غير بيض ولا دقيق ولا قلي ولافرن 😋 #سر_الطبخة اللبن بيدخل في كل الطبقات 🥛🍪
المقادير
- 2 كيس كبير بسكوت فيري او اي نوع (المهم يكون ناشف شويه)
- 3 كوب لبن.ممكن نستخدم لبن بودرة بس أكيد الطعم هيختلف
- 2 ملاعق كاسترد او حسب الرغبه (ممكن نستخدم الناشا لو مفيش كاسترد)
- جناش شوكولاته(كاكاو وزيت و سكر و لبن) او نوتيلا او شوكولاته خام
- سكر
- فانيليا
طريقة التحضير
- الطبقة١:نأخذ حوالي كوب لبن و نظبط السكر حسب الرغبه و نحط شوية فانيليا عليه كده و تدفيه شويه على النار.. بعدين نجيب البسكوت و نغطسه في اللبن يادوب ث كده و نشيله على طول عشان ميتهريش *لازم يبقى ماسك نفسه و نرصه في قالب بايركس او قالب تشيزكيك بالشكل دا... ممكن تحطوا طبقتين بس 3 طبقات بيبقى احلى بكتير. (الطبقه بتأخذ حوالي 20 بسكوته)
- الطبقة ٢ : الكاسترد.بندوب السكر و معلقتين كاسترد في كوبين لبن (ممكن نزود او نقلل على حسب انتوا عاوزين السمك اد ايه) لو مفيش كاسترد يبقى حطي مشا عادي جداً و رشة فانيليا و لو في كاكاو او نسكافيه حتى حطي ملعقة صغيرة تدي نكهه و لون حلو.. و قلبيهم على البارد و بعدين حطيهم على النار و قلبي كويس بالمضرب عشان ميكلكعش و اول م القوام يتقل انزلي بيه على البسكوت
- الطبقة 3 :دي بقي إبداع 😂عندك شوكولاتة خام دوبيها في حمام ماء و حطيلها سكر و ملعقة زبدة و دوبيهم و تظبطي الطعم و تنزلي عالكاستر الى حطتيه على البسكوت.. او لو عندك نص كوب كاكاو و ربع زيت و ربع سكر و ربع لبن و فانيليا قلبيهم او اضربيهم في الخلاط والسمك لا يكون سايل اوي و لا متماسك اوي عاوزينه وسط بحيث انه لما يتفرد و يتماسك... ممكن نحط المقادير دي و نزود معلقتين لبن بودرة او كريم شانتيه.. او نوتيلا او حتى كراميل او جيلي بس انا لسه مجربتوش. عندك بدايل كتير.. 😁👌
- سبيه في الثلاجه حوالي ٥ ساعات كده يتماسك او لتاني يوم بيبقى تحفه.. الوصفه دي سهلة و لذيذة جداً و موفرة و اسرع واجدد من الكيكة و البسبوسة و الحجات التقليدية الى زهقنا منها دي😂💔.. وبصراحه كل الى داقه عجبه 💕 و بالهنا 😍 👩🏻🍳
- على
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد