→ كل الوصفات

حلى المهلبية مع صلصة الفراولة الشهية 🍓

وصفة رائعة ولذيذة جدا 🤍🍓

  • 8 أكواب (2 لتر) حليب سائل
  • 12 ملعقة طعام نشا
  • كوب ونصف سكر
  • 3 بكيت قشطة
  • 2-3 ملعقة كبيرة جلي فراولة محلولة بماء (لنكهة ولون المهلبية - اختياري)
  • قطع صغيرة فراولة حمرا مغسولة ونضيفة ومنشفة...ومقطعة قطع صغيرة
  • كوب ماء
  • 1/2 كوب سكر
  • ملعقتين كبار نشا محلولين مع نصف كوب ماء
  • 1/2 باكيت جلي فراولة
  1. مكونات المهلبية : نضع جميع مقادير المهلبية عالبارد ونحركهم وبعدها نضعهم على نار متوسطة ونضل نحركهم لحتى ما يصير في أي تكبتلات...وحتى يوصل لدرجة الجمودة المطلوبة..رح يكون القوام جامد ولكن طري شوي مو كتير جامد....وبعدها نصب خليط المهلبية بكاسات التقديم أو البايركس حسب ذوقكم (اختياركم) ونتركه لحتى يبرد براحته ونعمل الطبقة الثانية : 👇🏼
  2. صوص الفراولة 🍓 : نضع نصف كوب السكر على الفراولة ونضعها بالثلاجة لحتى تنزل مية الفراولة...هاي الخطوة بتعملوها قبل ما تعملو المهلبية....وبعد ما تجهز المهلبية وتصبوها..( بتنتقلو لعمل صلصة الفراولة
  3. بتطلعو الفراولة من الثلاجة وبتحطوها بطنجرة على الغاز على نار هادئة إلى متوسطة، وبتصبو على الفراولة كوب ماء ومحلول النشا ونصف بكيت الجلي الفراولة...وبتتركوهم لحتى يتسبكو مع بعض كتير منيح وبضلكم مستمرين بتحركيهم من حين لآخر...لحتى يصير قوامه...متل صوص التشيز كيك وبعدها بتطفو النار...وبتزينو بصوص الفراولة وجه طبق المهلبية..وبتتركوهم لحتى يهداو من الحرارة وبعدها بتحطوهم بالثلاجة لمدة ٣ ساعات أو حسب البرودة يلي بتحبوها
  4. طبقة اختيارية (بإمكانكم ضيفو تحت طبقة المهلبية بسكوت مع زبدة) بطلع طعمها جدا جدا لذيذ ومثل طعم التشيز كيك 🍓😌
  5. جربوها وما رح تندمو 😎 طريقتي جدا لذيذة بالمهلبية وتختلف عن باقي وصفات المهلبية ❤️وصحتين وعوافي عقلبكم...شاركوني رايكم
عجبتك الوصفة؟
شوف كل وصفاتنا في مكان واحد
كل الوصفات →