→ كل الوصفات

حلى ام على بعجينة الكلاج والقشطة

#يوميات_رمضان

  • 300 غرام عجينة الكلاج
  • لتر حليب
  • 50 غرام زبدة (نص اصبع زبدة)
  • ملعقة صغيرة فانيلا
  • كاسة سكر او حسب الرغبة
  • كاسة جوز عين الجمل مفروم
  • 1/2 كاسة جوز الهند
  • ملعقة صغيرة قرفة مطحونة
  • 1/4 كاسة زبيب
  • مكسرات غير مملحة للتزيين
  • علبة قشطة
  1. بنقطع عجينة الكلاج باليد إلى قطع صغيرة ونحمصها بربع قالب الزبدة والربع التاني بنضيفه فوق الحليب الساخن
  2. بنضيف جوز الهند وجوز عين الجمل والزبيب القرفة (هون انا كترت قرفة لاني بحبها وبتقدرو تحطو بس رشة) وبنقلب مع عجينة الكلاج والزبدة
  3. بنسخن الحليب وبنضيف السكر والزبدة والفانيلا وبنصبه فوق الكلاج وبنغطي عليه ربع ساعة لحتى يتسرب كمية الحليب كاملة
  4. بندهن الوجه بالقشطة وبنزيين بالمكسرات الفستق الحلبي والجوز وجوز الهند والزبيب والكاشو واللوز وانا حطيت كمان زبيب اسود
  5. وهيك شكلها صار
  6. وحمرتها بالفرن لحتى اشقرت وأخذتها معنا برحلتنا مبارح وكاااانت ولا أطيب من هيك 😌 وصحتين وعافيه ♥️
عجبتك الوصفة؟
شوف كل وصفاتنا في مكان واحد
كل الوصفات →