→ كل الوصفات
حاجة كدة حلوة ودسمة وغنية وفيها فايدة غذائية طبعاً عشان كرونا اللذيذ دة 😒 يمشي بقي ويسيبنا في حالنا كفاية كدة الصراحة 😠 #تجهيزات_رمضان
المقادير
- علبة بسكويت اي نوع متوفر انا استخدمت (اهلاوي ⚽️)
- موز مقطع حلقات (الكمية براحتك)
- فراولة مقطعة حلقات (الكمية براحتك)
- 1/2 كوب قشطة بلدي
- كوب كريم شانتيه خام
- 1/2 كوب سكر بودرة
- 1/2 كوب لبن مثلج
- كوب لبن
- ملعقة كبيرة نشا
- 2 ملعقة كبيرة سكر
- كيس فانيليا
- صفار بيضة
- مكعب زبدة
طريقة التحضير
- في صينية بايركس احط بسكويت بس مش دور واحد لا دورين ومش هتسقيه بأي سائل هو هيطري بعد كدة ،،
- اجهز اول طبقة : اضرب (الكريم شانتيه والسكر ، واللبن) مع بعض كويس جداً لحد لما يتقل وبعدين اضيف القشطة وانزل بيها على البسكويت ،،
- بعدين اضيف حلقات الموز والفراولة وطبعا الكمية زي ما تحبي ولو عاوزة تضيفي اي نوع فاكهة تاني تمام ،،
- ارجع اعمل تاني دورين بسكويت ،،
- اجهز الطبقة الثانية : في حلة اضع (اللبن ، السكر ، النشا ، الفانيليا) واقلبهم على النار لحد لما يتقلوا ، بعدين ارفعهم من على النار واضيف صفار البيض والزبدة واخلطهم كويس وانزل بيها على البسكويت وازينها بالفورماسيل وبس كدة ادخلها الثلاجة ساعة كدة عشان البسكويت يطري وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد