→ كل الوصفات

حلى لذيذ بالبسبوسة والكنافة 🌹 🌷

هي فيها شبه من المدلعه لكن مختلفه طبقة بسبوسة وكريمه وكراميل وكنافه مش عارفه اسميها ايه سمتها 🌷حتى سكره🌹

  • الطبقه الاولى
  • كوب دقيق بسبوسة
  • زبدة
  • كوب سكر
  • كوب ماء
  • كوب لبن
  • الطبقه الثانية
  • 3 كوب لبن
  • 3 معلقة ك نشا
  • 2 معلقة ك دقيق
  • سكر حسب الرغبة
  • فانيليا
  • الطبقه الثالثة: كراميل
  • نصف كوب سكر
  • زبدة
  • نصف كوب ماء
  • 2 معلقه ص نشا
  • الطبقه الرابعة
  • نصف كيلو كنافة
  • زبدة
  • سكربودرة
  1. بسم الله اولا الطبقه الاولى اجيب حله واحط فيها زبدة ولما تسيح انزل بكوب دقيق البسبوسه واحمرها على النار وقتها اكون في حله تانيه كوب سكر على كوب ماء ولما يغلوا هيكون شربات خفيف اطفي على طول واول ما دقيق البسبوسه يتحمر انزل عليه الشربات الخفيف وكوب اللبن وأفضل اقلب لغايه ما الخليط تنشف فيه السوائل ويكون كتله واحدة
  2. اجيب الصينية أو القارب واحط طبقة البسبوسه واسويها
  3. الطبقه التانيه اجيب الحله واحط المكونات كلها على بعض واقلب على البارد واحطه على النار لغايه ما يلف ويتقل واصبه على الطبقه التانيه وادخله الثلاجه
  4. الطبقه الثالثه احط في حله نصف كوب السكر على النار ومانقلبهوش خالص لغايه ما يتكرمل احط ملعقة زبدة وانزل عليه بالماء المدوب فيه النشا واقلب لغايه ما يذوب ويتقل كل ده على نار متوسطة ولما تبرد احطها فوق الطبقه التانيه
  5. الطبقه الرابعه في حله نحط زبدة ولما تسيح احط شعر الكنافة المفروك واقلب لغايه ما يتحمر واحط عليه سكر بودرة حسب الرغبة واطفي ولما تبرد احطها فوق الطبقه الثالثه
  6. وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →