→ كل الوصفات

حمام كداب

طعم تحفة والطريقة سهلة جداً

  • 2 وراك فراخ كبيرة مخليه حمام كداب
  • كوب ارز مغسول ومتصفي
  • بصلة متوسطة مفرومة ناعم
  • كبد وقوانص فراخ متخرطة صغير
  • زبدة
  • ملح
  • فلفل اسمر
  • توابل
  • حبة طماطم واحدة متخرطة مكعبات
  • ماء مغلي نحط فيه بصلة وحبة طماطم وجزرة
  • ملح وفلفل اسمر
  • توابل
  • رشة قرفة
  • فص حبهان ومستكه وورق لورا
  • رشة سكر بسيطة
  • زبدة
  • زيت
  • قشطة للتحمير
  1. بنحمر البصلة المتخرطة صغير في زبدة لحد لونها ما يصفر وبعدين ننزل عليها بكبد وقوانص فراخ المتخرطة صغير ونشوحها حبة حلوين ونحطلهم الملح والفلفل الاسمر والتوابل وبعدين ننزل عليهم بالارز ونقلبه شويه وبعدين الطماطم المتخرطة ونهدي النار ونسيب الارز شويه ، بلاش نضيف ماء عشان بتخلي الارز بعد كده يعجن
  2. بنجيب الحمام الكداب نغسله كويس وننقعه ساعة في ماء عليها ملح وليمون ودقيق وبعدين نشطفه منها ونتبلها من جوه وبره ببصلة صغيرة مفرومة ناعم عليها ملح وفلفل اسمر وتوابل
  3. بنجيب خلطة الارز نحشي الحمام الكداب من تجويفه من جوه ونقفله على الارز ونلف حواليه بخيط دوبارة ولو حتى لسه مفتوحه ممكن نقفلها بخلة اسنان
  4. لما ماء السلق مع مكوناتها تغلي بننزل الحمام ونهدي النار بياخد حوالي ساعة عشان يستوي و نطلعه ونسيبه يبرد خالص
  5. بنجيب طاسة فيها شوية زبدة وشوية زيت ويفضل طاسة مبيلزقش فيها الاكل ولما تسخن ننزل الحمام الكداب يتحمر و ندهن الحمام قبلها قشطة او وجه اللبن ده بيخليه يتحمر بسرعة ويأخذ لون من غير ما ينشف... وبألف هنا 🌺
عجبتك الوصفة؟
شوف كل وصفاتنا في مكان واحد
كل الوصفات →