→ كل الوصفات
طريقة عمل حمام كداب سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 4 وراك دجاج مخليه من العضم تماما مغسولة كويس ومتصفيه من اي ماء
- تتبيلة الوراك
- ملح والفلفل
- بصل مبشور ناعم
- طماطم مبشور ناعم
- (نجهز الرز بتاع الحشو) عباره عن:
- بصله متوسطه مفرومه
- معلقه سمن
- شويه زيت
- قوانص متقطعه
- كبده
- بهارات وملح وفلفل والقرفه
- كوب رز متصفي ومغسول
طريقة التحضير
- وراك دجاج مخليه من العضم تماما مغسولة كويس ومتصفيه من اي ماء ويفضل تكون كبيره في الحجم بس نخلي العضمه اللي في اخر الدبوس عشان تدي شكل الرقبه ثم نتبلها بالتتبيلة ونتركها علي جنب
- (نجهز الرز بتاع الحشو) عباره عن بصله متوسطه مفرومه نضعها في حله مع معلقه سمن وشويه زيت تاخد لون دهبي خفيف انزل بالقوانص الاول وتكون متقطعه ونقلب ثم الكبده ونقلب والبهارات وملح وفلفل والقرفه والورو وبعدين ننزل بالرز حوالي كوب رز متصفي ومغسول نقلب شويه نضيف مكعب مرق والماء المغلي
- نجهز حله وتكون واسعه فيها ماء مغلي فيها بصل وحبهان ولورو وملح وفلفل ونتركها تغلي وننزل بالوراك فيها تغلي خمس دقايق وبعدين نخلي النار وسط بتاخد نص ساعه بالظبط نتركها تبرد وبعدين نحمرها في زيت مع سمنه ونقدمها. جربوها خطييييره جدا
- نتركه يستوي نص سوا فقط ونتركه يبرد نحشي اوراك الدجاج بالرز ونلفها رول علي بعض معلش هيا متعبه شويه في اللف انا قفلتها بالخله الخشب وبعدين ربطت خيط عليها كويس (ممكن تستخدمي المونيوم فويل بس مش بفضله ومش أمن بصراحه علي الاكل)
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد