→ كل الوصفات
طريقة عمل حمام كداب سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 ورك فرخة حجمه وسط
- كوب رز
- 0.25 قوانص او حسب الرغبة مخلط كبد على قوانص
- سمنة
- ملح
- فلفل
- بهارات
- زعتر
- قرفة
- جنزبيل
- كركم
- 1 بصلة
- 1 جزرة
- زيت للتحمير
- مرقة دجاج
- 1 بيضة
- بقسماط مفروم (مدقوق)
طريقة التحضير
- بخلي الورك من العضم وببدا ادقه بايد الهون او باي حاجة حديد وبيكون كدا وبتبله ب ملح وفلفل اسود
- بقطع القوانص بالطريقة دي وبعمل الرز بالقوانص (موجود في الوصفات عندي)
- ده الرز بعد بعد ما يتعمل هتلاقوه في الوصفات عندي
- اجيب الورك واغسله من التتبيله وبعدين افرده كويس وابدا احط فيه شويه رز مش كتير، وابدا الفه واربطه كويس بخيط واحطه في الشوربة
- الشوربة بتبقي بصلة مقطعه و جزرة مقطعه احطهم في ميه على النار وعليهم ملح وفلفل اسود ومعلقة سمنه ومرقه الدجاج واسيبهم يغلوا وبعدها انزل بالورك واسيبه لمده 30 دقيقة على الاقل، او لحد ما يستوي بالطريقة الى تحبي تاكليه بيها
- اقلب بيضة مع ملعقة فلفل اسود واقلب الورك فيها وبعدين اقلبه في البقسماط واحطه في الزيت يتحمر، او ممكن لو حابه تحطيه في الفرن
- ممكن تقدميه مع باقي الرز وملوخية، والف هنا، وادعولي بالستر والتوفيق
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد