→ كل الوصفات
#عروسة_جديدة #مطبخ_بطوطة
المقادير
- الحمام حسب عدد أفراد الأسرة
- خلطة الحشو تكفى ل 6 حمامات مع زيادة للتقديم بجانبه
- 2 كوب أرز مصرى مغسول فقط بدون نقع
- 2 كوب فريك مدشوش مغسول ومنقوع من الليل أو قبلها ب 6 ساعات
- 3 ملاعق كبيرة زيت لتحمير الأرز
- 2 ملعقة كبيرة سمنة للفريك
- ملح وفلفل اسود
- كزبرة جافة
- بهارات
- بصلة كبيرة مبشورة للفريك
- لسلق الحمام
- بصلة وورق لورا وحبهان
- كرفس
- طماطماية
- رشة زنجبيل
طريقة التحضير
- الفريك ننقعه من الليل لتانى يوم
- الحمام بعد ما نغسله كويس نتبله بملح وفلفل اسود من الليل أو قبلها بساعتين على الأقل
- وقبل حشو الحمام بنغسله كويس من الملح والفلفل اللى فيه وبكدا نضمن عدم الزفارة وكمان طعمه مملح وجميل
- نحمر الأرز كله فى زيت حتى يحمر تماماً ثم نضيف ليه كوبين ونصف ميه ونتركه يغلى حتى يتشرب المية بتاعته ثم نطفى النار
- الفريك بعد ما نصفيه من المية نضعه فى إناء على النار ونضيف ليه السمنة والبصلة المبشورة وباقى التوابل ونقلب كويس على النار حتى تتجانس المكونات ثم نطفى النار
- ثم نخلط أرز اللى جهزناه مع الفريك ونقلبهم مع بعض كويس ونظبط الملح
- ناخد فردة حمام وبأصبعنا نوسع بين الجلد واللحم ونحشى الحمام من جوا وبين الجلد واللحم ونحشى كمان جلد الرقبة اوعى يتقطع منك
- ونقفل كويس رجلها ونخلص كل الحمام بالشكل ده
- بعد كدا فى إناء فيه مية بتغلى على النار ونسلق الحمام مع اضافة بصلة مقطعة وملح وفلفل اسود وكرفس أن وجد وطماطميه وحبهان وورق لورا ورشة زنجبيل
- الحمام تقريبا بياخد ساعة على النار امسكى جناح الحمامة لو اتشد بسهولة يبقى استوى لو لسة يبقى نتركه شوية
- بعد كدا بحمر الحمام تحت شواية الفرن من الجهتين ثم يقدم ساخنا
- باقى خلطة الحشو بضيف ليها قليل من الشوربة واسويها على نار هادئة واقدمها مع الحمام
- دا بقى دجاج عملته بنفس الطريقة ونفس الحشوة وممكن كمان بط وأوز بيبقى طعمهم شهر وجميل جدا
- يا رب تكون عجبتكم الوصفة إن شاء الله😘😘😘😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد