→ كل الوصفات
طريقة عمل حمام محشى ع طريقتى سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- جوز حمام مغسول
- بصله مفرومه ناعم
- معلقتين سمنه
- معلقه فلفل اسود
- ملح
- معلقه صغيره كمون
- 0.25 كوب رز
- لورا وحبهان
- كبد وقوانص الحمام
طريقة التحضير
- هغسل الحمام كويس وانقعه شويه فى ميه وملح وشويه خل
- هعمل الحشوه فى صحن هحط البصله المفرومه ناعم واتبلها ملح وفلفل اسود وكمون واقلبها كويس
- بعد كدا هغسل الرز واضيفه للبصل واقطع الكبد والقوانص عليهم واقلب كويس
- هضيف معلقه سمنه للخليط واقلب كويس وابدا احشى الحمام من الرقبه ومش اضغطه اوى علشان مش يطق
- هحط فى حله كميه ميه واحط ورقين لورا وشويه حبهان وملح وفلفل واخليها تغلى واحط الحمام واهدى النار عليه واسيبه لحد ما يستوى
- وفى طاسه اسخن السمنه واحمر الحمام على الجهتين
- وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد