→ كل الوصفات

حمام محشى

طريقة ماما❤️

  • 2 حمام
  • الحشو ⬇️
  • 1 بصلة مفرومة
  • 4 فص ثوم مفروم
  • 1/2 ملعقة ص ملح
  • 1/2 ملعقة ص فلفل اسود
  • 1 ملعقة ص كزبرة ناشفة
  • 1 كوب عصير طماطم + 1 ملعقة ص سكر
  • 1 ملعقة ك صلصة
  • 1 ملعقة ص بابريكا
  • 1/2 ربطة كزبرة خضراء
  • 1/2 ربطة شبت
  • 1/2 ربطة بقدونس
  • 1 1/4 كوب ارز مصرى
  1. اخدت 2 ملعقة كبيرة من البصل المفروم، شوحت باقي البصلة والثوم مع ملعقة سمن و شوية زيت، ضيفت ملح - فلفل، لحد ما دبل شوية ضيفت كزبرة -عصير طماطم -صلصة -بابريكا، "ضرورى السكر في الطماطم علشان تعادل الحموضة" سيبتها تتسبك قفلت النار وضيفت الارز على التسبيكة، وباقي البصل و بعدين سيبتها تبرد شوية وقطعت الخضراوات لقطع صغيرة وضيفتها عليهم
  2. بدات احشى الحمام من تحت عند رجليها و من فوق عند رقبتها وقفلت من عند رجليها ببصلة او قطعة بطاطس او نقفل الرجل فقط ملحوظة؛ 1-مش بنكبسها اوى بالحشو علشان الارز لما يستوى هايحتاج مكان داخل الحمام 2-اللى اتبقى من الحشو بنزلة فى الحلة يستوى مع الحمام وبتبقى شوربة لذيذة 😋
  3. رفعت على النار حلة حجم متوسط، نصفها ماء -1 ملعقة ص ملح -4 حبات فلفل اسود حصى -2 حب حبهان -1 بصلة متوسطة وسيبتها تغلى ضيفت فيها الحمام لحد ما اتسلق، طلعتهم على جمب يتصفو، وكمان ضيفت شوية الحشو اللى اتبقى علشان يطعم الشوربة😋 مشوى او متحمر ⬇️ 1- طاسة ساخنة نضيف فيها 2 ملعقة ك سمن نحمر فيها الحمام😋 2- ندهن الحمام بالسمن ويدخل فرن تحت الشواية وبعد شوية نقلبة على الجهه الثانية😋
عجبتك الوصفة؟
شوف كل وصفاتنا في مكان واحد
كل الوصفات →