→ كل الوصفات

حمام محشى

طريقة عمل حمام محشى سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 حمام
  • بصله كبيره مفرومه
  • بصله مقطعه نصين
  • ملح و فلفل
  • كوب و نص ارز مصري
  • بهارات
  • قرفه
  • لورا و حبهان
  • طماطم و ممكن الاستغناء عنها
  1. اولا ننظف الحمام كويس من جوه و بره بالملح والخل
  2. نتبل الحمام و ده اللى بيخلى طعمه فظيع مايه البصل اللى فرمنها مع ملح و فلفل و بهارات ونسيبها شويه على ما نجهز الارز و يا سلام لو قعدت ساعه مثلا
  3. نعمل الأرز.. فى حله على النار نحط معلقه سمنه كبيرة و شوح البصله و بعدين نحط كبده الحمام المتقطعه و عليها ملح و فلفل و بهارات لحد ما تتشوح كويس اووى نضيف الارز و نقلب و نحط معلقه قرفه و كوب مايه و نسيبه يستوى نص سوي ثم يترك ليبرد
  4. بعد ما برد نحشى الحمام من جوة و من عند الصدر و نربطه كويس بخيط و خله اسنان و بشوكه نديها خرم صغير من فوق و تحت عشان السوى
  5. فى حله لسلق الحمام نضيف المياه و عليها البهارات و لورا و حبهان و مستكه و البصله و نص واحدة طماطم ونسيبهم لحد ما يغلى نحط الحمامه براحه واحدة واحدة ونغطى لحد تمام السوي
  6. نرجع لباقى الارز نرميه اكيد لا.. نرجعه تانى على النار هاديه و نزود نص كوب مايه تقريبا و كل شويه اشوف السوي لو محتاج مايه كمان
  7. بعد ما الحمام و الارز ما يستوانطلع الحمامه و نصفيها كويس و ندهن الحمام صلصه بسيطه و نحمرها فى سمن
  8. الارز نضعه فى برام و نحط عليه معلقه زبده او سمنه بلدي و ندخله الفرن 5 دقايق
  9. نحط الحمام المتحمر على الأرز ونلف رجله بفويل للتقديم.. بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →