→ كل الوصفات
طريقة عمل حمام محشي ارز سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 4 حمامات
- 2 كوب ارز
- 2 بصل
- فصين ثوم و فلفل أخضر
- 1 طماطم
- ملح وفلفل اسود حسب الحاجة
- ملعقة صغيرة كمون
- رشه قرفة
- رشه زنجبيل
- ملعقه صغيره بهارات
- حبهان
- ورق لورا
- مرميه
- مكعب مرقه
- كزبرة ناشفه
طريقة التحضير
- اول حاجه ننضف الحمام كويس و نفركه بدقيق و عصير ليمونه و شويه خل و ننقعه ساعة على الاقل و ندعكه كويس و بعدين نغسله كويس و نسيبه يصفي
- و بعدين نعمل الرز نقطع بصله متوسطة الحجم صغير جداً و ندبلها على النار و عليها فص ثوم و نضيف قوانص الحمام و معاها ملح و فلفل و رشه قرفة و زنجبيل و كمون و نشوحهم سوا و بعدين ننزل بالرز عليهم و كبد الحمام و نقلب كويس و نضيف الماء للكوبايتين رز كوب ماء
- طريقه تانيه لعمل الرز للحمام.. بنحط الرز على النار مع الزيت و نقلبهم و نحمرهم زي ما بنحمر المعكرونه او الرز الحبه و حبه و بعدين نضيف عليهم باقي المكونات عادي
- و نسيبه على نار هاديه يستوي نص سوا و نطفي عليه يبرد شويه و بعدين نحشي الحمام
- نفصل جلد الحمام عن اللحم من بطن الحمام و خلي بالك لا تتقطع و نحشيها من جوا و بين الجلد و اللحم و الرقبه وسيبيها مهويه شويه عشان لسه الرز هايكمل سوا
- نحط في حله كبيره بقى ماء السلق و نحط جواها كل التوابل و البصل و الثوم و الفلفل الأخضر و ممكن تحطي جزره صغيرة و لما تغلي نزلي الحمام فيها بس خلي ضهره لتحت ساعة و بيكون استوي و تابعيه بردو
- اخيرا صفيه من الشوربه و ممكن تحمريه في زيت و عليه ملعقة سمنه و مسكته او تدهنيه بسمنه و عليها ملعقة صغيرة صلصة و ملعقة زبادي و يدخل الفرن يحمر و بألف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد