→ كل الوصفات
طريقة عمل حمام محشي ارز 🕊️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 جوز حمام
- 1 كوب ارز مغسول
- معلقه سمنه كبيره
- 1 بصلة متوسطة
- 1 فلفل رومي وسط
- ملح + فلفل اسود حسب الرغبة
- 1 معلقه كبيره السبع بهارات
- 1 معلقه صغيره قرفة
طريقة التحضير
- اول حاجه هنجيب الحمام ونغسله كويس بالمياه والملح والخل ونصفيه ونفصل الكبد والقلب والقوانص
- ونحط الكبد والقوانص في شويه لبن عشان لو فيها طعم زفاره
- هنفرم البصل ناعم ونجيب الحله اللي هنسوى فيها ونحط السمنه او الزيت وننزل البصل يتشوح الاول لحد ما يصفر
- في الوقت دا نكون قطعنا الكبد والقلوب صغيرة وننزلهم مع البصل ونضيف التوابل بتاعتنا كلها ونضيف الفلفل الرومي اخر حاجه واول ما يتشوحوا ننزل الرز ويدوب نحط مياه عليهم تغطى الرز ونسويه ربع تسويه عشان هيكمل سوى في السلق
- خلاص الرز استوى هنسيبه يبرد شويه وابدأ احشى الحمام من البطن وتحت الجلد ومنزودش الرز عشان ما تفرقعش في السلق واقفلها بالقناصه في الاخر
- ونجيب حله كبيره فيها مياه وملح وفلفل وورقه لورا تغلى وننزل الحمام ٣٠ دقيقه يتسلق
- نطلع الحمام ونكون مسخنين الزيت اللي هنحمر فيه ومعاه ملعقة سمنه ونبدأ التحمير وبالهنا والشفاء
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد