→ كل الوصفات
طريقة عمل حمام محشي بالأرز و الشبت 🍛 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 جوز حمام
- 1 و ½ كوب أرز مصري
- 1 ربطه شبت كبيره
- 1 بصله حجم وسط
- 2 فص ثوم
- ملح "حسب الزوق"
- 1 ملعقه صغيره فلفل آسود
- 1/2 ملعقه بصل بودر
- 1/2 ملعقه ثوم بودر
- 1/2 ملعقه زعتر
- 1 مكعب مرقه دجاج
طريقة التحضير
- آولا هنغسل الحمام كويس و ننقعه في خل و ملح و هنسلق الآرز عادي جدآ
- ثانيآ هنجيب مقلاه و نحط فيها ملعقتين زيت زيتون و نشوح الثوم المفروم و البصل المفروم حتي يصبح لونهم ذهبي فاتح جدا و نحط الزعتر و المرقه و نطفي النار و نحط باقي التوابل و نقلب
- هنقطع الشبت بقي صغير جدآ و نحطه مع البصل و بعدين نحط الآرز المستوي علي الخلطه و نقلبهم معآ
- بعد كده هنجيب الحمام و نحشيه و نقفله كويس عشان الآرز الي فيه ميفرطش مننا
- هنبقي طبعآ حاطين مايه تغلي علي النار و حاطين فيها كل حاجات الشوربه
- بعدين بقي ننزل بالحمام في الشوربه و ننتظر حتي تمام النضج
- بعد ما يستوي هنجيب صينيه و نحط فيها آرز بسمتي انتي مسوياه او بايت عندك مفيش مشكله يعني و نحط الحمام عليه و ندهنه دهنه خفيفه سمنه و ندخله الفرن تاخد لون
- بعد ما يحمر و كله يبقي تمام هنولع فحمه و نحطها مع الحمام في الصينيه و ببخاخ الزيت نرش رشه عليه و نغطي الصينيه بالسلوفان و نسيبها تدخن و تدي الحمام و الآرز طعم الفحم
- بعدين بقي تفتحي عليه و تقدميه
- و بآلف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد