→ كل الوصفات
أكلة مشهورة عند المصريين وبالذات في المناسبات واللي يعملك حمام ده يبقی بيكرمك ☺ .. فيه بيعملوه بالرز او الفريك .. احنا بنحبه بالرز ودي طريقته 👇
المقادير
- حمامتين
- 4 ملاعق رز كبيرة (ملعقتين لكل حمامة)
- كبد وأوانص الحمام
- رشة ملح
- رشة فلفل اسود
- بصلة متوسطة
طريقة التحضير
- نشوح البصلة في القليل من الزيت حتی تذبل
- نضع عليها حوايج الحمام (كبد وأوانص وقلب)ونقلبهم ثم نضيف الملح والفلفل
- نضع الأرز ونقلبه مع المكونات السابقة بدون اضافة ماء.. ثم نرفعه من علی النار
- نحشي الحمامة من الأعلی (من عند الرقبة) ونوزع الرز بداخلها بحيث لا يكون مضغوط تماما ولا يصل الی الاعلی كليا.. يعني نعمل حساب ان الرز لما يطيب هينفش
- نخرم كل حمامة من صدرها خرمين عشان ما تفرقعش ونكون غاليين ميه فيها بصلة وشوية ملح وحبهان عشان نطيبه فيها
- نسيبه ع النار نص ساعة بالظبط وما نفتحش عليه قبلها وبعدين نشيله.. فيه ناس بتحب تحمره.. انتو وذوقكم بقی وبألف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد