→ كل الوصفات

حمام محشي بالأرز

الحمام اما بنحشيه فريك اوبنحشيه ارز مصري اول شيء نجهز الحمام ونغسلة جيداً ونورقه يعني نفصل الجلد عن اللحم في منطقة الصدر🍴.. ونقطع الرقبة غلشان لما نحشي يبقى شكلها حلو..🍴 ونقطع الجزء من الجناح الصغير.. ليه بقي علشان لما تجي تحمريها ظهر الحمامه يتحمر كويس🍴.. لكن لو انتي لفه الجناح تحتها مش هتتحمر معاكي كويس.. ونتبلها بملح وفلفل حتى تحت الجلد ونتركها ونجهز الحشوة #عزايم_رمضان

  • عدد 5حمامات
  • ثلث ارباع كوب أرز-
  • بصلة كبيرة
  • ملح
  • وفلفل اسمر
  • /2 ملعقة/ك سمن-
  • 0.25 ملعقه صغيرة من القرفه
  • والبهار الحلو
  • جزرة
  • وبصله
  • وطماطماية
  • وورق لوري
  • وحبهان
  • وملح
  • وفلفل اسمر حب
  • وواحدة كبيبه صيني
  • وعود قرفة صغير
  1. نغسل الارز وننقعه لمده نصف ساعة... نجهز بصلة كبيرة ونقطعها مكعبات صغيرة ونضيف عليها حوالي 2/1 1 م/ص ملح وفلفل اسمر وندعك البصله جيداً بالملح والفلفل ونضيفها الى الارز ونضيف 2 ملعقة/ك سمنه او زبده سايحة ونقلب الخليط و4/1م/ص قرفة و4/1م/ص بهار حلو ناعم.. او كبيبه صيني.. البهار حسب الرغبة... خلاص جهزنا الارز
  2. نجهز حله على النار نملء نصفها بالماء ونضع فيها ورق لوري حبهان وفلفل اسمر صحيح وجزر وكرفس لو وجد وملح وفلفل اسمر وفصين مستكة نتركها الى ان تغلي... نبدأ نحشي الحمامه من عند الرقبه بالارز الني مثل حشو الممبار وننزل الحشو على الجوانب وليس الصدر وونحشي بحيث يكون الحشو مهوي. علشان الارز لما بيستوي بينفش.نغلق الحمام من عند الرقبه اما بنصف خله او بفتله.نكمل حشو الحمامة بقليل من الارز من اسفل ونسد الحشو بالكبدة ونقفل الحمام.. يعني نكتفها
  3. الماء بيغلي ننزل الحمام في الحله ويغلي غلوة على النار العاليه ونضيف بصله وحبه طماطم ونهدي النار خالص ونتركها لمده 35 دقيقة او اكثر ممكن احيانا 40 دقيقة.. وبنعرف الحمام نضج من الجناح بنلاقيه استوي.. نخرجه من الشوربة ونجففه بمنديل مطبخ ونحمرة في السمن والزيت.. او في الفرن.. بس في الفرن هتدهنيه بخليط من الصلصة والزيت والملح والفلفل.خلاص الحمام استوي والارز داخله استوي.بالهنا عليكم monnaa4🍴 manalkitchen👍
عجبتك الوصفة؟
شوف كل وصفاتنا في مكان واحد
كل الوصفات →