→ كل الوصفات
طريقة عمل حمام محشي بالفرن سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- جوز حمام
- كوب رز
- ملح
- فلفل
- بهارات
- قطع صغيره فلفل رومي مقطع
- كزبرة خضرا مفرومه ناعم
- 2 طماطم مبشورة
- بصلة مفرومه
- 5 فصوص توم مفروم ناعم
طريقة التحضير
- اول حاجه هنشوح الرز في شويه زيت لمدة خمس دقايق وبعد كدا نقطع كبده الحمام ونحطها ت الرز ونستمر ف التقليب ولما تطلع ريحه الكبده نحط عليها التوم ونقلبها وبعديها البصل والفلفل الاخضر ونقلبهم شويه مع بعض ونحط عليهم الملح والبهارات ونقلبهم شويه برضو بعد كدا نطشهم بكوب مايه ونغطيها ع نار هاديه عشان الرز يستوي نص سوا
- وف نفس الوقت نكون حاطين مايه تغلي ف الحله اللي هنطبخ فيها الحمام
- وبعد كدا لما الرز يستوي ناخده ونحشي الحمام مننساش نحط رز ف بطنه وف رقبته ونربطه كويس ونقفله من تحت بالقونصه ونحطه ف المايه المغليه ع النار ونسيبه لحد ما يستوي كويس
- ولما يستوي نصفيه من الشوربه بتعته ونحطه ل صينيه ونحط عليه الطماطم المبشورة وندخله الفرن ياخد لون زي اللي ف الصورة ده وطبعا مقولكمش ع الطعم رووعه بجد اتمني تجربوه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد