→ كل الوصفات
#اجمل_طبق
المقادير
- جوزين حمام
- كوب رز مصري ابيض
- 1 بصل وسط
- معلقه سمنه
- بهارات
- رشة ملح
- رشة فلفل
- رشة كاري
- رشه نعناع ناشف
- رشة بهارات مشكله
- كبده وقوانص حمام
طريقة التحضير
- نبشر البصله و نضيفها للرز و البهارات وملعقة السمنه ونقلبها سوي معيار الرز بقبضه اليد لكل حمامه
- نشوح الكبد و القوانص على النار 5 دقيقة كده و بعدين نضيفها للرز
- هنا نأخد الحمام بعد ما نضفناه كويس ورققناه هنحشيه الرز من جوه و من نحيه الرقبه كده كويس
- نخلي الرز تحت الأجنحة و بلاش نحشيها اوي عشان مش تفرقع وبعد ما نخلص حشو نضغط على على الحمامه من بطنها ونحسب لحد الاخر عشان نطلع اَي هوا جوه الحمام
- فــ حله ماء و ملح وفلفل و بصله صغيره و طماطم و حبهان و ورق لورا لحد ما تغلي
- ننزل بالحمامة بشويش نخلي بطن الحمامه لفوق و اول لما هتنزل في الماء الرقبه هتقفل لوحدها
- ساعه الا ربع بالظبط و هيكون الحمام بقي جاهز و قبل ما نطلعه نتأكد بردو ب السكينه في الورك انه بيدها بسهوله او نكسر الجناح لو انكسر بسهوله يبقي خلاص تمام
- ده بعد ما استوي هطلعه من الماء و قبل التقديم أدهنه بالسمنة و ادخله الفرن ياخذ وجه من النحيتين وبس😊
- بألف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد