→ كل الوصفات

حمام محشي رز بالكبد والقوانص 😋😋

#نكهة_بالذاكرة

  • 5 جوز حمام
  • 3 كوب ونصف رز
  • 2 بصلة كبيرة مفرومه
  • قطع صغيرة كبد والقوانص بتاعة الحمام مقطعين
  • التوابل
  • جوزة طيب
  • فلفل اسود
  • م ص كاري
  • م ص كركم
  • م ص قرفه
  • حبهان
  • ورق لورا
  • ملح
  • معلقتين سمنة كبيرة
  • بصلة صغيرة للشوربة
  • سمنة او زيت لتحمير الحمام
  1. نغسل الحمام كويس جدا وننقعه في مية وملح وخل وليمون ١٠ دقايق
  2. بعدها نغسلة تاني كويس جدا ونصفيه من المية الي فيه
  3. نبدا في عمل الخلطه
  4. نضع معلقتين السمنة في حلة علي النار ثم نضع البصل
  5. نشوح البصل حتي يصبح لونه بني ثم نضع الكبد والقوانص ونستمر في التقليب وعندما تاخذ لون نضع نصف كوب ماء والتوابل والملح ما عدا الحبهان وورق اللورا
  6. وبعد ما الكبد والقوانص تشرب المية نضع الرز ونقلب دقيقتين ثم نغلق النار
  7. وبعد ما الخلطه تهدا شوية نبدا في حشو الحمام
  8. نحشي من جوا بس منملاش الحمام رز علشان اما الرز هيستوي هيملا الحمام فنحشي لحد نصه ونحشي كمان عند الرقبه وتحت الجلدبس براحة علشان الجلد ميتقطعش
  9. وقبل ما نبدا في الحشو نكون وضعنا علي النار حلة بها ماء والحبهان وورق اللورا وفلفل اسود وبصلة صغيرة وملح
  10. وبعد ما نخلص حشو الحمام هتكون المية غليت فنبدا في وضع الحمام في المية ونسيبة حوالي ساعه الا ربع او ساعه
  11. بعد ما يتسلق الحمام نشيله من الشوربة ونضعه في مصفي
  12. نجهز طاسة وبها سمنة او زيت ونحمر الحمام وبالف هنا💐
عجبتك الوصفة؟
شوف كل وصفاتنا في مكان واحد
كل الوصفات →