→ كل الوصفات
طريقة عمل حمام محشي فريك 😋😋😋👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 5 اجواز حمام
- ½ كيلو فريك
- حبة جوزة الطيب مبشوره
- 3 حبات بصل كبار
- فلفل اسود
- كزبره
- كمون
- ملح
- حبهان مطحون
- كبد وقوانص الحمام
- ورق لورا وحبهان سليم 4 حبات لشوربه
- عسل اسود او صويا صوص عادي
طريقة التحضير
- اول خطوه طبعاً هنضف الحمام ونغسلو كويس جداً جداً بملح وخل وبعد كدا نشطفو شطفه حلوه وفتحت البطن متكنش مفتوحوه اوي عشان الحشوه يبقى مقفول عليها هنركن الحمام على جمب يتصفا
- الخطوه التانيه هنجيب الفريك بعد ما نقيناه كويس جداً نغسلو وننقعو لمدة ١٠ دقائق كدا
- الخطوه التالته هنجيب الكبد والقوانص هنقطعها قطع صغيره جدا وبعد كدا نجيب الحله علي النار وعليها زيت او سمنه ونبشر عليها البصل وننزل عليه بشوية ملح صغيرين عشان ريحة البصل تبقي حلوه وكمان عشان يدبل البصل معايه بسرعه بدبل البصل اوي مش نصفرو لاء ندبلو وبعدين ننزل عليه بالكبد والقوانص ونقلب فيهم كويس جدا جدا بننزل بقي عليهم بواحدة جوزة الطيب المبشوره ناعم جدا ونقلب وننزل بمعلقه كبيره من الفلفل الاسود معلقه من الكمون معلقه من الكزبره نص معلقه من الحبهان المطحون ونص معلقة الملح الباقيه ونقلب فيهم كويس
- الخطوه الربعه بعد ما خدت الكبد والقوانص لون ننزل عليهم بلفريك المنقوع ومتصفي كويس جداً ونفضل نقلب في كويس ونهدي النار عليه وننزل عليهم بنص كباية ماء لنص او ربع تسويه ونغطي بلغطا عليه لمدة ١٠ داقايق بعد كدا بنطفي عليها النار ونشيل وجه الغطا عشان تبرد كويس اوي
- الخطوه الخامسه بعد ما خلاص خلطة الفريك بردت خالص بنجيب الحمام ونحشي بطنو لحد ما ندخل بأدينا الحشوه لحد زورز ونفضل نحشي في لحد ما الحمام تتحشي كويس وكمان ممكن نحشي تحت الجلد بس انا بقول نكتفي ببطن الحمام لحد الزور (الرقبة) للناس اللي لسه مش بتعرف تحشي الحمام عشان ميطقش منها بنحشي كل الحمام كويس وبعد كدا بنكتف الحمامه وندخل رجليها الاتنين في الفتحه اللي تحت ولو البطن مفتوحه اوي بنقفل بخلة سنان عادي
- خلاص حشينا كل قمية الحمام بنجيب حله كبيره على النار ونحط فيها ماء لتسويه ونحط فيها ورا لورا وحبهان سليم ٤حبات ونحط جزر كرفس ونغلي الماء دي كويس جداً جداً جداً وننزل بلحمام واحده ورا واحده عشان الماء متبردش مني وانزل باحمام من تحت لفوق عشان البطن تقفل بسرعه مع الماء وهيا بتغلي اسيبو بقي وغطي الحمام لحد ما يستوي كويس بس ما يتهريش يستوي انغزو بسكين لقيتو نغست معايهةبكل سهوله يبقى استوا اطلعو من الشوربه واخليه يبرد شويه عشان التحمير
- اخر حاجه بقي التحمير عشان ياخذ معاكي لون حلو وجميل جداً احمر الحمام مش جوه الفرن لاء في الزيت بس قبل الخطوه دي شوية عسل اسود في طبق واخد بايدي كدا من العسل والف بي الحمامه كلها وانزل بيها على زيت سخن هتاخد لون حلو اوي اوي وكمان طعم تحفه جداً جداً ولو عندك صويا صوص نفس الفكره بس ياجماعه على ضمنتي العسل الاسود فظيع جربوه وعلى ضمنتي احمر الحمام كويس واطلعو على طبق التقديم وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد