→ كل الوصفات
#طبخات_عائلتي
المقادير
- جوزين حمام مغسولين ومتورقين
- ملح وفلفل
- بهارات
- جوزة الطيب
- ورق لورا
- كوبين رز مغسول
- بصلة متوسطة
- معلقة زبدة
- شوية لبن
طريقة التحضير
- هنبشر البصلة ونديها تشويحة على النار في ملعقة الزبدة
- ونكون مقطعين الكبد والقوانص بتاعة الحمام وننزلها عالبصلة تتشوح برضه
- ننزل الرز والتوابل ونحط مقدار الماء فوق الرز بعقلة صوباع
- اول مالرز يتشرب الماء نسيبه يهدى ونكون مصفيين الحمام من الماء والجلد مفصول عن اللحم
- ونبتدى نحشي مابين الجلد واللحم وجوة الحمامة طبعاً مانكبسش الرز اوي علشان يستوي كويس وعشان الجلد مايطرقعش
- نكون مجهزين حلة ماء مغليةوفيها بصلة مشقوقة اربع تربع وطماطماية مشقوقة وورق لورا وفلفل وبهارات
- ننزل فيها الحمام يستوي اول ماتلاقى اللحم ابتدى يفصل عن عضم الرجل يبقى استوى ونطفى عليه ونطلعه ونصفيه من الشوربة ونسيبه يهدى
- ندهنه لبن و يااما يتحمر في حتة سمنة يااما ندهنه صلصة وندخله الفرن ياخذ تحميره وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد