→ كل الوصفات
#عروسة_جديدة
المقادير
- 2 فرد حمام
- حوالي 300 جرام رز
- كبد وقوانص متقطعة صغير
- 1 بصلة متوسطة مفرومة
- 1 فلفل اخضر ص مفروم
- 2 معلقة سمنة بلدي
- ملح
- كاري
- فلفل اسمر
- 7 بهارات
- 1 مرقة دجاج
- ملح
- فلفل اسمر
- 7 بهارات
- حبهان
- قرنفل
- ورق لورا
- رشة جوز الطيب
- 1 بصلة
- 1 مرقة دجاج
طريقة التحضير
- حمامي بغسله كويس وبصفيه هو والكبد والقوانص كويس جداً
- في حلة بحط معلقتين السمنة تسخن كويس وبنزل بالكبد والقوانص يتشوحو وبحطلهم الملح والفلفل الاسمر والبهارات والكاري واسيبهم دقيقتين
- بعدين بنزل بالرز عليهم واقلب كويس واطحن المرقة وانزل بيها على على الرز وافضل اقلب لحد مايتخلطو كويس انا بسيب البصل للاخر و دي التكة المختلفة بتاعتي
- لما الرز يتشوح كويس بنزل عليه بالبصل والفلفل المفروم واقلبهم حلو وانزل عليه بربع كباية ماء واسيب الرز يستوي نص سوا واسيبه يبرد وبعدين احشي الحمام بتاعي بالخلطة دي واي رز بيفضل عندي بسويه جنب الحمام زي اي رز عادي
- في حلة بحط الماء وملح وفلفل اسمر والبهارات والحبهان وورق لورا والقرنفل ورشة جوز الطيب ومرقة الدجاج وبصلة متقطعة واول ما تغلي بنزل بالحمام بتاعي واهدي عليه واسيبه براحته يستوي خالص
- لما بيستوي بخرجه واصفيه كويس وبحمره في زيت مع ملعقة سمنة بلدي وبالف هنا مافيش حد كله من ايدي الا وعجبه جداً 😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد