→ كل الوصفات
طريقة عمل حمام محشي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- حمام
- كبد وقوانص الحمام
- ارز حسب كمية الحمام
- بصلة متوسطه مقطعه
- ملح وفلفل اسود
- ورق لورا وبهارات كبدة
- حبهان
- معلقة كبيرة صلصة طماطم
- عسل اسود
طريقة التحضير
- بنمشي اصابعنا برفق بين الجلد بتاع الحمام عشان هنحشيه واهم حاجه نغسل الحمام كويس بالليمون والخل وبنسيبه فتره وبعدين نحط بصله متقطعه وعليها قرفه بتقضي ع اي ريحة وندعك بيها الحمام كويس
- نشوح البصله ف سمن وبعدين ننزل القوانص بعدين الكبد ونقلب شوية ونحط الملح والفلفل الاسود والبهارات وكدا وبعدين الرز ع كل حمامه مقدار كبشة رز كدا ونقلب شوية بعدين نحط ماية مش كتير تخليه يستوي نص نص كدا ونوطي النهار لحد م يتشرب ونسيبه يبرد
- نبدأ نحشي الحمام كويس ومنتقلش عليه عشان الرز بيكبر ف حجمه وممكن يفرقع وممكن نربط رجله او بخلة اسنان
- بنكون محهزين حلة فيها ماية ع النار فيها ورق لورا وحبهان واحدة بس وبصلة وملح وكدا واول م بتغلي بنزل فيها الحمام وبنغطيها ونخلي النار متوسطه بياخد حوالي نص ساعة ل 35 دقيقة
- بندهن الحمام عسل اسود خفيف خالص مع معلقة صلصة وبنحمره ف طاسه فيها زيت خفيف وكلي احلا حمام محشي😋💙💙💙
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد