→ كل الوصفات
الحمام غنى بالكثير من العناصر الغذائيّة المفيدة للجسم وغنى بالبروتين يجعل من لحمه مفيداً في تحسين الجهاز المناعيّ للجسم، ويدعم صحة الجسم بشكل عامّ 👌
المقادير
- 4 حمامات
- ليمونه
- خل
- ملح
- كوب ونص أرز مغسول ومنقوع
- معلقه سمنه بلدي او اي سمنه
- م بهارات فراخ
- م كمون
- 3 م ملح
- م فلفل اسود
- حبهان
- ورق لورا
- عود قرفه خشب
- حبه طماطم
- قرن فلفل اخضر
- 2 بصله كبيره
طريقة التحضير
- اولا هنغسل الارز وننقعه 10دقائق وبعدين نغسل الحمام كويس ونشيل اي زفريات منه وبعدين نغسله بالملح والخل واليمون وننقعه شويه ف خل وليمون
- نحط حله ع النار فيه مياه واول ما تغلي نقطع بصله كبيره وحبه طماطم وقرن الفلفل الاخضر ونحط م صغيره من (كمون +فلفل اسود +بهارات فراخ) ونحط ورق الورا والحبهان والقرفه والملح لحد ماتغلي
- نصفي الارز ونقطع عليه البصله وعليه معلقه السمنه و م صغيره الكمون والفلفل الاسود وبهارات الفراخ والملح ونقلبهم ف بعض كويس ونبدا نحشي الحمام هنصفي الحمام من المياه ونغسله وبعدين نحشي باطنه والجناب والزور نصف حشوه عشان بيزيد وبعد كده نقفل رجله وزوره ونحطه ف الحله واول ما يغلي نوطي النار لحد مايستوي عشان ميفرقعش واول مايستوي يطلع ويحمر
- ويتقدم بالهنا والشفاء ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد