→ كل الوصفات

حمام محشي

تعلمت الطريقه من امي والحمد لله بتبقى ممتازه الله يباركلي فيها ويعافيها يارب

  • كوب ارز مصري
  • 0.5 كيلو كبد وقوانص الحمام
  • 6 حمام نضيف وتمام
  • 1 بصله
  • معلقتين زيت
  • ملعقة نعناع مفروم
  • ملح
  • فلفل اسود
  • شريحه طماطم
  • 1 بصله صغيره
  • قليل زبدة او زيت للتحمير
  1. نغسل الرز ونتركه في الماء قليلا
  2. نقطع البصله ونحطها تتبل في الزيت
  3. نفطع القوانص صغير وننزل بيها على البصله
  4. بعدها نقطع الكبد وننزل بيها عليهم
  5. ونقلبهم شويه وبعدها نصفى الرز وننزل بيه على الكبد والقوانص ونقلبهم شويه ونضع الملح والفلفل والنعناع الناشف
  6. ونقلبهم شويه حتى يستوى الارز قليلا
  7. نتركهم يبردو قليلا وبعدين نحشي الحمام بس مانزودش الرز عشان مايفتحش الحمام
  8. وبعدين نكون في حله على النار حطين ميه وفيها ملح وفلفل اسود وشريحه طماطم وبصله صغيره
  9. وبعد ماتغلى الميه ننزل فيها الحمام المحشي
  10. وبس يغلي في الميه نهدى النار وبعدها بشويه نشوف استوى ولا لاء بغرس شوكه في ورك الحمام
  11. او نعاير بعد غليانه وتهدئه النار نص ساعه
  12. ونطفى النار ونخرجه في طبق كبير
  13. ونحمره في زيت على النار وبالهنا او نحمره بدهنه زبده تحت وفوق وندخله الفرن ينشف ويتحمر
عجبتك الوصفة؟
شوف كل وصفاتنا في مكان واحد
كل الوصفات →