→ كل الوصفات

حمام محشي

متركزوش مع اللي من غير حشو لانها كانت مقطوعة وانفجرت في الشوربه 😂

  • 5 حمام منظف جيدا
  • نص كيلو كبد وقوانص وقلوب الحمام مغسوله ومنظفه
  • 5 قبضات يد أرز مصري (لكل حمامه قبضه يد رز)
  • 2 بصله مقطعه صغير
  • 1 فلفل اخضر
  • ملح
  • فلفل اسود
  • معلقتين سمنه
  1. نقطع الكبدوالقوانص والقلوب صغير ونضيفها للأرز المغسول ومصفي ونضيف كمان عليهم البصلة المفرومه والفلفل المفروم والسمنه
  2. ونقلبهم مرتين تلاته على النار بس مجرد ان الكبد تغير لونها لكن مش هنسويه
  3. نسيب الخلطه تبرد خالص وبعدين نبتدئ بالحشو
  4. ندخل الأرز من البطن وبواسطه الإبهام نبتدئ بدفع الأرز للاعلي عند زور الحمامه وبالايد التانيه ننزل الأرز بين الجلد واللحم في الزُّور
  5. وهكذا كل الكميه لحد ما نخلص حشو
  6. نكون مجهزين ميه بتغلي على النار وفيها ورقتين غاز و٤ فصوص حبهان وملح وفلفل اسود وقرنفل وبصله مقطعه ارباع
  7. معاها حبه طماطم معاها نص جزره مقطعه
  8. ننزل الحمام لما الميه تغلي ونسيبها حوالي ساعه الا ربع على نار متوسطه
  9. لما يستوى نطلعه ندهنه سمنه او زبده او زيت وندخله الفرن تحت الشوايه عشان ياخد اللون دا 😍😍
عجبتك الوصفة؟
شوف كل وصفاتنا في مكان واحد
كل الوصفات →