→ كل الوصفات

حمام وكرنب

انا من عشاق اكل الحمام فبعمله دايما ❤️❤️❤️

  • 3 حمام وقوانصهم
  • بصل
  • ثوم
  • كوبايه رز
  • رشة ثوم بودر
  • رشة بصل بودر
  • رشة بابريكا
  • ملعقة صغيرة كاري
  • ملعقة صغيرة فلفل اسود
  • البهارات السبعه
  • سمنه بلدي
  • كرنب (ملفوف)
  • ملعقه سكر
  • ملعقة صغيرة كمون
  • كزبرة خضره
  • طماطم مخلوطه
  • بصل وثوم
  • طماطم وبصل شرايح يتفرشو في قاع الحله
  • بهارات حسب الرغبه
  • مكعب دجاج
  • ملعقه صلصة
  • 3 ك رز
  1. الحمام،، بنغسله كويس ونصفيه نجهز الحشو نقدح سمن بلدي وننزل عليها بالبصل والثوم ونقطع القوانص ونحها على البصل والثوم وننزل بالرز وجميع البهارات عليهم كل ما يتحمر الرز يبقى مفلفل ومش يعجن في الحمام بعدين هننزل بكوبايه ماء ونسوي الرز والخلطه نص سوا بعدين نحشي الحمام ونكون مجهزين ماء بتغلي وفيها بصل وفلفل اسود وننزل الحمام ويستوي انا بعرفه استوى من الجناح لو اتكسر بعدين يطلع من الشوربه ويتشمع ويتحمر في سمنه بلدي وتحت الشوايه وبالف هنا وشفا
  2. الكرنب (الملفوف)، نسلق الكرنب (الملفوف) في ماء وسكر وكمون السكر هيخليه مستحيل يجلد ولو مفرزاه لمده سنه يطلع من الفريزر زي ما هو بعدين نجهز الخلطه نقدح سمنه بلدي وننزل بالبصل والثوم وبعدين الطماطم المخلوطه عليهم والبهارات ومكعب الدجاج ونسيبهم يتسبكو كويس
  3. بعد التسبيكه ننزل بالكسبره الخضرا والرز ونقلبهم كويس ونحط في قاع حله الكرنب (الملفوف) ملعقه سمنه وعليها الطماطم والبصل الشرايح ونلف الكرنب (الملفوف) ونسويه وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →